⚡️Ногиронлиги бўлган шахсларни ишга қабул қилган тадбиркорларга 50 миллион сўмгача субсидия ажратилади“Ногиронлиги бўлган шахсларнинг бандлигини таъминлаш тизимини такомиллаштиришга оид қўшимча чора тадбирлар тўғрисида”ги президент фармони қабул қилинди. Бу ҳақда Адлия вазирлиги ахборот хизмати
хабар берди.Хабарга кўра, 2025 йил якунига қадар 80 минг нафар ногиронлиги бўлган шахснинг барқарор бандлиги ва муносиб даромад топишини таъминланиши мақсад қилинган.
2025 йил 1 июндан бошлаб:
—I ва II гуруҳ ногиронлиги бўлган шахсларни ишга қабул қилган тадбиркорлик субъектларига 50 миллион сўмгача субсидия ажратилади;
—субсидия сурдотаржимон, психолог ва ҳамроҳлик хизматини ташкил қилиш харажатларини қоплаш учун ажратилади;
—жисмоний шахсларга ҳамроҳлик хизматини ўзини ўзи банд қилган шахс сифатида кўрсатишга рухсат берилади.
Шунингдек, "Ягона миллий ижтимоий ҳимоя" ахборот тизимида Меҳнатга лаёқатли ногиронлиги бўлган шахсларнинг электрон реестри юритилади.