"Аватар" узуми – қишлоқ хўжалигидаги янги самарадорлик, мўл ҳосилдорлик ва юқори даромад манбаи

Каттақўрғон тумани Мундиён маҳалласида жойлашган "Назокат Олтин Даласи" фермер хўжалиги раиси Элёр Мавлонов томонидан аграр соҳада муҳим ташаббус амалга оширилди. Хўжаликнинг 2 гектар майдонига 3 минг туп "Аватар" узум кўчатлари экилди. Бу нав маҳаллий иқлим шароитига мослашган ва юқори сифатли ҳосил бериши билан ажралиб туради.

Шунингдек, 1 гектар ерда эртапишар шафтоли ва зардоли кўчатлари ўтқазилиб, қатор ораларига 25 минг туп "Кобра" навли қулупнай кўчатлари экилди. Ушбу лойиҳа фермер хўжалигининг кўп тармоқли ривожланишига замин яратади.