#kino #taqriz

Tasavvur qiling, o'qituvchisiz (balki rostdan ham shundaydir).

Sinfda noyob iqtidor egasini payqadingiz. Bola ko'p kitob o'qigan, turli ilmiy jumboqlarni osongina tushuna oladi, faqat o'qish emas, fikrlashni ham qoyillatadi. Siz o'quvchilarni mazasini qochirish uchun bergan misollarni darrov yechadi va Khabi Lame stilida munosabat bildiradi.

Zo'rmi? Endi muammoli tomoniga o'tamiz. Bolaning tarbiyasi og'ir, tinmay janjallashadi, chekadi (axir bitiruvchi sinfda o'qiydi yoki talaba), bo'ysunmaydi va sizga ham sapchishdan tap tortmaydi. Nima qilasiz?

Birinchi variant. Bolani yer bilan yakson qilasiz. Boshqalarni unga qarshi qo'yasiz (bolaning injiq xarakteri axir boshqalarga ham yoqmaydi-ku). Baholardan qisasiz. Turli intizomiy jazolarni qo'llashni boshlaysiz. Bir kun kelib bola yengiladi, masala hal, ammo uning iste'dodi uvol bo'ldi.

Agar g'ururingizni bir chetga surib, shu bola dunyoga kerakligini, faqat bosayotgan noto'g'ri qadamlarini to'g'ri yo'nalishga solishni istaydigan darajada sabrli va tolerant bo'lsangiz, bugun vaqtingiz bo'lganida "Zakovatli Uill Xanting" ("Good Will Hunting") filmini tomosha qiling. Ota-onalar uchun ham foydali film.

Film haqidagi faktlar esa sal keyinroq...

@hammasiyaxshi_rancho