#Qonunchilik

Hozirgi kunda eng dolzarb boʻlgan mavzulardan biri. Yaʼni ota-onani yoki farzandni moddiy taʼminlashda boʻyin tovlash.

Maʼmuriy javobgarlik toʻgʻrisidagi kodeksning 47(4)-moddasi:
Moddiy yordamga muhtoj boʻlgan voyaga yetmagan yoki mehnatga layoqatsiz shaxsni moddiy taʼminlashdan boʻyin tovlash -

15 sutka muddatga maʼmuriy qamoqqa olishga yoki 120 soatgacha haq toʻlanadigan majburiy jamoat ishlariga jalb qilishga sabab boʻladi

47(5)-modda:
Voyaga yetgan shaxslarning mehnatga layoqatsiz yoki moddiy yordamga muhtoj boʻlgan ota-onasini moddiy taʼminlashdan boʻyin tovlashi -

15 sutka muddatga maʼmuriy qamoqqa olishga yoki 120 soatgacha haq toʻlanadigan majburiy jamoat ishlariga jalb qilishga sabab boʻladi

Agar ushbu huquqbuzarliklar uchun maʼmuriy jazo qoʻllanilgandan keyin yana qaytadan sodir etilsa Jinoyat kodeksiga muvofiq jinoiy jazo qoʻllaniladi.

Jinoyat kodeksi 122-moddasi: Voyaga yetmagan yoki mehnatga layoqatsiz shaxsni moddiy taʼminlashdan boʻyin tovlashi -

2 yilgacha axloq tuzatish ishlari yoki bir yilgacha ozodlikdan mahrum qilish bilan jazolanadi

123-modda: Ota-onani moddiy taʼminlashdan boʻyin tovlashi -

3 yilgacha axloq tuzatish ishlari yoki bir yilgacha ozodlikdan mahrum qilish tariqasidagi jazo qoʻllashga sabab boʻladi.

Ushbu huquqbuzarliklar sodir boʻlayotgani haqida ariza asosan voyaga yetmagan shaxslar tomonidan kelib chiqadi. Baribir oʻzbekmizda hech qaysi ota-ona bolam menga pul bermayapdi deb arz qilmaydi:)