Jur'at Raximbayev

Kutish insonni kasal qiladi, nimanidir kutish, kimnidir kutish, qulay fursat kutish va hokazo. Kutish har doim bizni orqaga tortadi. Lekin savol tug‘iladi: biz o‘zgarishimiz uchun qulay vaqtni yoki yangi yilni kutishimiz kerakmi? Umuman olganda, "qulay vaqt" degan narsa bormi?

Haqiqatdan ham, ko‘pchiligimiz "ideal vaqt"ni kutamiz. Ammo shuni tushunish kerakki, hayot hech qachon mukammal bo‘lmaydi. Qulay vaqt degani – bu bugungi kun. Hozir. Kutib vaqt o‘tkazganimizda, nafaqat imkoniyatlarimiz, balki ichki energiyamiz va motivatsiyamiz ham so‘nib boradi.

Mukammallikni kutmang. Hozirda mavjud sharoit bilan kichik harakatni boshlang.
Harakatning kuchini qadrlang: katta o‘zgarishlar kichik qadamlardan boshlanadi. Masalan, ertalab 10 daqiqa vaqt ajratib, rejangizni yozib chiqing yoki biror maqsadga intilish yo‘lida bir qadam tashlang.

"Eng yaxshi vaqt o'tmishda emas, kelajakda ham emas, hozirda yashaydi." (c) Eckhart Tolle

Ko‘pincha, kutishning ortida o‘zgarishdan qo‘rqish yotadi. O‘zgarishni qabul qilishni o‘rganing. Har bir kichik qadam – sizning kelajakdagi muvaffaqiyatingizning asosi bo‘ladi.

Bugun boshlang.

@juratdev

Inson shubhasiz tuproqdan yaralgan. Uning mohiyati qimmatbaho toshga o'xshaydi.

O'zini ustida ishlagan inson qobiliyatini kashf etadi, ya’ni toshning bir qirrasi sayqallanadi.

Sayqallangan tosh esa jilolanadi, ko'zlarni quvontiradi.

O'zingizning qobiliyatlaringizni kashf eting!

Eng muhimi – o'z-o'zini tarbiyalash.

@juratdev

Bir qizcha onasidan so'raydi: "Oyijon, dadam nima uchun doimo kеchalari bilan ishlab chiqadi va mеn bilan o'ynashga vaqt topolmaydi?"

Onasi ma'yus ohangda javob qaytaradi: "Asalim, tushunishing kеrak. Dadang hamma ishini ofisda tugata olmaydi, shuning uchun uyga ham olib kеladi."

Qizcha yana savol bеradi: "Agar shunday bo'lsa, ular nimaga dadamni quyiroq ishga o'tkazishmaydi?"

Bu dialogning yana bir muhim xulosasi bor yaniy bolalarga vaqt ajratish zarurligida.

(c) Brayan Treysi (Samaradorlikning 21 yo'li kitobidan)

@juratdev

Mavlono aytganidek: "Insonlar kitob kabidir. Tashqi qiyofasiga qarab baho bermang. Uning asl mazmunini o'qishni boshlaganingizdan so'nggina anglaysiz".

O'qishni bilganlar uchun har bir inson alohida kitobdir. Ba'zi kitoblar ibratli bo'lsa, ba'zilari zerikarli bo'ladi, ba'zilari qiziqarli bo'lsa, ba'zilari tushunasiz bo'ladi.

Kitob o'qiganimiz sari yaxshi kitob tanlashni o'rgansak, insonlarni ham tanib olganimiz sari kimni tinglash kerakligini, kimdan uzoq turish lozimligini o'rganamiz.

Agar sabr bilim bilan bezatilsa, bardosh jilmayadi.

#kitobdan

Biror narsani qilishni boshlash uchun boshqa narsani qilishni to'xtatish kerak.

Fokus — nima qilishni emas, nima qilmaslikni tanlash.

O’tirib gaplashishni boshlash mumkin

Suhbatlashib o’tiribsiz, zeriksangiz nima qilasiz? Telefonni olasiz. U qiziq bo’lgani uchun emas. Suhbat zerikarli bo’lgani uchun.

Nir Eryal ham, Chalg’imas kitobida shuni yozadi. "Biz vaqtimizni isrof qilishimizga sabab, bir nima qidirish emas. Bir nimadan qochish."

O’zidan qochish. Fikrlaridan qochish. 85% odam o’tirib 10 daqiqa o’ylay olmaydi. Lekin soatlarini isrof qilib yuboradi.

O’zi bilan gaplashmaganidan keyin, o’zini tanimaydi. O’ziga qiziq suhbatdosh bo’la olmaydi. Suhbatdosh zerikarli bo’lsa nima qilardik? Ha shu uchun ham yolg’iz qolganda - qo’l telefonga ketaveradi.

Bekorchi vaqtni kamaytirish uchun - instagram, telegramlarni blok qilish, internetsiz telefon ishlatish, tog’larga chiqib yashash mumkin.

Yoki va nihoyat - o’zi bilan o’tirib gaplashishni boshlash mumkin.

@azizrakhimov_blog

Hayotda ikkita narsa nasihat qiladi.

Biri gapirib nasihat qiladi yana biri esa gapirmasdan nasihat qiladi.

Gapirib nasihat qiladigani bu Quron, gapirmasdan nasihat qiladigani esa bu tobutda yotgan mayit.

(c) Minor masjidi Imomi.

Ibn Sino shunday yozgan: "Raqiblarimdan mening bir ustunligim, erinmay u ishni qilishimdir. Ular g‘aflat uyqusida yotganlarida men mashaqqat bilan u ishni bajaraman". Toping-chi u qanday ish?

Ibn Sino xatolarini qog‘ozga yozgan va tahlil qilgan.

To‘g‘ri biz o‘zimizni Ibn Sinoga teglashtira olmaymiz.

Lekin kunimizni, xatolarimizni yozib tahlil qila olamiz.

Ko‘pchilik Dekabr oyining oxirlarida o‘tgan yil qanday bo‘lganini yozadi tahlil qiladi, bu yaxshi lekin har oyimizni, haftamizni, kunimizni qog‘ozga yoki qandaydir qurilmaga yozib tahlil qilishimiz kerak. Men uchun shaxsan maqsadlarni, rejalarni qog‘ozga yozgan afzal. Bu chalg‘imaslik va diqqatni jamlash uchun ham muhim.

@juratdev

Biron odatni shakllantirmoqchi bo‘lsak, uni davomiy bajarishni o‘zi kifoya.

Masalan dangasalikni davomiy qilsak unga o‘rganib qolamiz, yaxshi odatlar ham shunaqa, lekin bunisi qiyinroq chunki mashaqqat talab qiladi yaxshi narsalar.

Dangasalikdan bir oz bo‘lsa ham xalos bo‘lish uchun yordam beradigan yechimlar bor:

-Kuningizni rejalashtiring;
-Osonroq vazifalardan boshlang;
-Har kuni o‘rganish uchun vaqt ajrating;
-Tanaffuslar qilib turing.

Har qanday mushkul ish to‘g‘ri tizimlashtirilganda osonlashadi.

@juratdev