Biz bir kun tugʻilamiz. Bir kuni birinchi qadamimizni bosamiz, bir kuni sevib qolamiz, bir kuni baxtdan kulamiz yoki alamdan yigʻlaymiz. Bir kuni bizga yaqin boʻlgan insonlar bilan bir dasturxonda oʻtirib issiq choy ichib ularning suhbatlaridan bahramand boʻlamiz. Menimcha har bir inson "hayotdan ma'no nima? Baribir bir kun oʻlib ketsak" deb oʻylagan.

Kimdir hayot mazmunini pul deb oʻylaydi, kimdir bu oila deydi va yana kimdir rivojlanish yoki oʻz-oʻzini topish deb oʻylaydi va yana kimdir u umuman yoʻq deydi.

Hayot mazmuni aslida biz oʻylagan narsalar emas, biz ayni vaqtda bajarayotgan ishlarimiz. Har bir kun bu xotira. Biz oʻzimiz uchun quvonchli yoki gʻamgin xotiralarni yaratamiz.