Sharof Rashidov tumani Qahramon mahalla fuqarolar yig‘inida Navro'z umumxalq bayrami munosabati bilan keng ko‘lamli tozalash va obodonlashtirish tadbirlari amalga oshirilmoqda.

Xususan, mahalladagi Do‘stlik, Uchquloch va Kamalak ko‘chalari tekislanib, asfalt yotqizishga tayyorlanmoqda. Ushbu ishlar doirasida jami 2,3 km ichki yo‘llarni asfalt qilish rejalashtirilgan bo‘lib, bu mahalla aholisining harakatlanish sharoitlarini yanada yaxshilashga xizmat qiladi.

Bundan tashqari, mahalla aholisi tomorqadan samarali foydalanish borasida ham faollik ko‘rsatmoqda. Ma’lumotlarga ko‘ra, Qahramon MFY hududi 11 gektarni tashkil etadi va ushbu yer maydonidan unumli foydalanish tizimli ravishda yo‘lga qo‘yilgan.

Ushbu obodonlashtirish va infratuzilmani yaxshilash ishlari mahalla aholisining turmush farovonligini oshirish, shuningdek, Navro'z bayramini yanada ko‘tarinki ruhda o‘tkazish uchun qulay shart-sharoit yaratishga qaratilgan.