Baxmal tumanida 33 ta MFY mavjud bo‘lib, shundan 7 tasi (22%) tabiiy gaz ta’minotiga ulangan, qolgan 26 tasi (73%) suyultirilgan gaz mahsulotlari bilan ta’minlanadi.

Aholi soniga bo‘yicha ko‘rib chiqadigan bo‘lsak, tumanda 27 175 ta xonadon bo‘lib, shundan gazlashtirilgan aholi xonadonlari soni 29 234 tani tashkil etadi. Ularning 7114 tasiga tabiiy gaz va 22 120 tasiga suyultirilgan gaz yetkazib berilmoqda.

“Baxmaltumangaz” gaz ta’minoti bo‘limi tomonidan 5 ta maxsus jihozlangan avtomashina orqali belgilangan grafik asosida suyultirilgan gaz bilan ta’minlangan iste’molchilarga o‘tgan ikki oyda rejadagi 1171.2 ming tonnadan tashqari 642.3 tonna suyultirilgan gaz ortig‘i bilan yetkazib berilgan. Yil boshidan buyon 174 ta yangi yosh oila suyultirilgan gaz bilan ta’minlandi. Aholiga qulaylik yaratish maqsadida yanvar oyida gaz quyish shoxobchasi ishga tushirildi.

Gaz ta’minoti bo‘limiga kelib tushayotgan murojaatlarning o‘z vaqtida o‘rganilishi e’tiborda. Murojaatlarni o‘rganish jarayonida xonadonlardagi mavjud gaz asbob-uskunalarini yilda bir marotaba texnik ko‘rik va taftishdan o‘tkazish eslatilmoqda.

Mavjud ma’naviy eskirgan gaz uskunalarini zamonaviy energotejamkorlariga almashtirish joriy qilingan bo‘lib, bu ulardan xavfsiz va unumli foydalanishni kafolatlaydi.