Jizzax viloyat soliq boshqarmasi Birlashgan Kasaba uyushmasi qo‘mitasining hisobot-saylov yig‘ilishi bo‘lib o‘tdi. Tadbirda kasaba uyushmasi a’zolari, boshqarma rahbariyati hamda soha xodimlari ishtirok etdi.

Yig‘ilish davomida jamoa shartnomasining 2023-yildagi ijrosi muhokama qilinib, kasaba uyushmasi qo‘mitasining amalga oshirgan ishlari, xodimlarning ijtimoiy-iqtisodiy manfaatlarini himoya qilish borasida ko‘rilgan chora-tadbirlar haqida ma’lumot berildi.

Shuningdek, yangi ish rejalari belgilab olinib, kasaba uyushmasi qo‘mitasining yangi tarkibi saylandi. Yig‘ilish ochiq muloqot ruhida o‘tib, ishtirokchilar o‘z fikr va takliflarini bildirishdi.