Mazkur tadbirda ushbu aholi punktlarida “Obod mahalla”, “Obod koʻcha”, “Obod xonadon” mezonlari asosida amalga oshirilishi koʻzda tutilayotgan ishlar haqida maʼlumot berildi.

Chunonchi, “Noʻshkent” mahallasida 2 ta transformator va 71 ta temir beton ustun oʻrnatilib, 2,3 kilometr uzunlikda elektr tarmogʻi tortilishi bildirildi. “Mustaqillik” mahallasida esa 1 dona transformator hamda 68 ta temir-beton ustun oʻrnatish, 5,8 kilometr uzunlikda elektr tarmoqlari tortish koʻzda tutilayotgani bayon qilindi. Xuddi shunday, “Noʻshkent”da 7,5 kilometr uzunlikdagi yoʻlga beton yotqizish hamda 2 kilometrlik piyodalar yoʻlakchasini bunyod etish rejalashtirilgan.