Muloqotda Zarbdor tumani hokimligi, Jizzax viloyati Yoshlar ishlari boshqarmasi boshlig‘i, AT "Aloqabank" viloyat boshqaruvchisi, tuman prokuraturasi, shuningdek, yoshlar yetakchilari, tegishli mutasaddi tashkilotlarning mas’ullari hamda tadbirkorlik faoliyatini boshlash istagida bo‘lgan yoshlar ishtirok etishdi.

AT “Aloqabank” rahbarlari yosh tadbirkorlarga mazkur qaror asosida ajratiladigan kreditlar va yaratilgan qo‘shimcha imkoniyatlar haqida batafsil ma’lumot berdi. Muloqot davomida yoshlarning savollariga mutaxassislar tomonidan tushuntirishlar berildi.

Tadbirkorlik faoliyatini boshlash istagida bo‘lgan 30 ga yaqin yoshlarning loyihalari tinglanib, ularga mas’ul shaxslar biriktirildi. Yoshlarning biznes g‘oyalarini joyida o‘rganish va belgilangan tartibda moliyalashtirish bo‘yicha tegishli ko‘rsatmalar berildi.