САККИЗИНЧИ МАРТ
🍃🌺
Яқинлашиб келяпти,
Аёлларнинг байрами.
Тобора кўпаймоқда,
Эркаклар ташвиш,ғами.
🍃🌺
Саккизинчи март,сана,
Бунчалар ҳам шошмоқда,
Йигитлар кайфи учиб,
Қон босими ошмоқда.
🍃🌺
Ўчиб рангу рўйлари,
Ўйнамоқда асаби,
Магнит бўрони эмас,
Бош оғриғин сабаби.
🍃🌺
Қарзни тўлар йигитлар,
Вақт-ҳакам,вақт-қозидир,
Ўша кун календардан,
Тушиб қолса розидир.
🍃🌺
Январда совға олиб,
Кўп пушаймон ейдилар,
Саккизинчи март куни,
Йўқ бўп қолсам дейдилар.
🍃🌺
Ғамни еб қўйинг дўстлар,
Вақт тиғиз,вақт кутмайди,
Бўлса табиий гул бўлсин,
Пластмасса ўтмайди.
🍃🌺
Кетса кетсин паст кетманг,
Ғурурни қилманг хира,
Ҳайрон қолсин ёрингиз,
Босинг,,Спарк",,Жентра".
🍃🌺
Шундай бир совға қилинг,
Қолсин ортда излари,
Ҳаммасига арзийди,
Ўзбек хотин-қизлари.
🍃🌺

✍Хуршид Карим

💝𝐓𝐞𝐥𝐞𝐠𝐫𝐚𝐦 | 💞DIYDOR SHIRIN

https://t.me/addlist/MJkQvxqRHTllMDky