Ukam Jamshidbek maktabni bitirgach ikki yil ketma-ket O'zbekistondagi universitetlarga hujjat topshirmadi. "Man miya ilmini o'rganmoqchiman, yosh bolalarning miyasi qanday rivojlanishini tadqiq qiladigan olim bo'lmoqchiman, bu soha bizda yo'q", deb turib oldi.

Sohadagi eng zo'r universitetlar Amerikada deb faqat o'sha yoqqa topshirdi va universitetlarining juda ko'pidan yiqildi. Ancha-muncha stressga turib berdi. Sohaga qiziqishi ortidan Miyashunos degan blog ochdi. Miyashunoslik bo'yicha xalqaro olimpiadani O'zbekistonda o'tkazish huquqini qo'lga kiritdi. 10 martaga yaqin bo'lsa kerak SAT imtihonini topshirib, natijasini 1520 ga ko'tardi. Qisqasi, taslim bo'lmadi. O'zim ham hayron qoldim.

Bugun dunyo reytinglarida TOP-100 talik, AQShda TOP-20 talikka kiradigan Vanderbilt universitetiga Kognitiv fanlar yo'nalishiga to'liq grant asosida o'qishga qabul qilingani haqida xabar keldi.

Endi duo qilib turinglar, eson-omon vizalarini ham qo'lga kiritsin. Borib, yaxshi o'qib, ota-onasini yuzini yorug' qiladigan, ilm-fan rivojiga hissa qo'shadigan, yurtimizning, jamiyatimizning, millatimizning xizmatini qiladigan olim bo'lib qaytsin. Omiyn.

P.S. Ukamning bu natijalarga erishishi yo'lida beqiyos mehnat qilgan ota-onamizga alohida tashakkurlarimni izhor qilaman.

📌 @javharuz 📌