Assalomu alaykum, qadrli Jahongir Muhammad!
Anchadan beri bu xabarni yozish yoki yozmaslik haqida o‘ylardim, lekin oxir-oqibat o‘z fikrlarimni siz bilan bo‘lishishga qaror qildim. Yaqinda xitoylik yozuvchi Liu Sisinning mashhur trilogiyasi "The Three-Body Problem" asarini o‘qib chiqdim. Bu shunchaki ilmiy-fantastik asar emas, balki sivilizatsiyalar taqdiri, xiyonat, total nazorat va omon qolish uchun kurash haqida chuqur falsafiy va siyosiy hikoya.
Kitobni o‘qir ekanman, undagi voqealar bizning mamlakatimizdagi holatlarga juda o‘xshash tuyildi. Asarda bir ayol qahramon bor, u insoniyatga bo‘lgan ishonchini yo‘qotib, uzoq kosmosga signal yuboradi. Ushbu signalni Trisolarianlar deb ataluvchi begona sivilizatsiya qabul qiladi. Ular Yer sayyorasini bosib olishga qaror qiladi va odamlar qarshilik ko‘rsata olmasligi uchun butun dunyoda qattiq nazorat o‘rnatib, insoniyat rivojlanishini to‘xtatib qo‘yadi.
Bu hikoya hozir bizning hayotimizga juda o‘xshaydi. Kitobdagi xiyonatkor qahramon menga bizning hukumatni eslatadi. Ular xalq manfaatlarini himoya qilish o‘rniga, mamlakatimizni Rossiya va Xitoyga sotib, bizni mustaqillikdan mahrum etishyapti. Ular tabiiy resurslarimizni sotishmoqda, iqtisodimizni boshqalarga topshirishmoqda, o‘zlari esa faqat hokimiyatini saqlab qolish haqida o‘ylashyapti. Xuddi kitobdagi ayol qahramon singari, ular ham o‘z yurtiga xiyonat qilishmoqda.
Lekin kitobda boshqacha qahramonlar ham bor edi – ular oxirgi imkoniyat qolguncha kurashishdi. Haqiqiy hayotda bunday qahramonlar mustaqil jurnalistlar, blogerlar va faollar. Ular haqiqatni aytish uchun hayotlarini xavf ostiga qo‘yishyapti, qamalgani, tahqirlangani yoki ta’qib qilingani bilan kurashdan voz kechishmayapti.
Asosiy savol shuki: biz insoniyat singari, bu total nazoratga qarshi tura olamizmi? Biz erkin fikrlashni saqlab qolib, xalqimizning kelajagini mustaqil va yorqin qila olamizmi? (M).
Anchadan beri bu xabarni yozish yoki yozmaslik haqida o‘ylardim, lekin oxir-oqibat o‘z fikrlarimni siz bilan bo‘lishishga qaror qildim. Yaqinda xitoylik yozuvchi Liu Sisinning mashhur trilogiyasi "The Three-Body Problem" asarini o‘qib chiqdim. Bu shunchaki ilmiy-fantastik asar emas, balki sivilizatsiyalar taqdiri, xiyonat, total nazorat va omon qolish uchun kurash haqida chuqur falsafiy va siyosiy hikoya.
Kitobni o‘qir ekanman, undagi voqealar bizning mamlakatimizdagi holatlarga juda o‘xshash tuyildi. Asarda bir ayol qahramon bor, u insoniyatga bo‘lgan ishonchini yo‘qotib, uzoq kosmosga signal yuboradi. Ushbu signalni Trisolarianlar deb ataluvchi begona sivilizatsiya qabul qiladi. Ular Yer sayyorasini bosib olishga qaror qiladi va odamlar qarshilik ko‘rsata olmasligi uchun butun dunyoda qattiq nazorat o‘rnatib, insoniyat rivojlanishini to‘xtatib qo‘yadi.
Bu hikoya hozir bizning hayotimizga juda o‘xshaydi. Kitobdagi xiyonatkor qahramon menga bizning hukumatni eslatadi. Ular xalq manfaatlarini himoya qilish o‘rniga, mamlakatimizni Rossiya va Xitoyga sotib, bizni mustaqillikdan mahrum etishyapti. Ular tabiiy resurslarimizni sotishmoqda, iqtisodimizni boshqalarga topshirishmoqda, o‘zlari esa faqat hokimiyatini saqlab qolish haqida o‘ylashyapti. Xuddi kitobdagi ayol qahramon singari, ular ham o‘z yurtiga xiyonat qilishmoqda.
Lekin kitobda boshqacha qahramonlar ham bor edi – ular oxirgi imkoniyat qolguncha kurashishdi. Haqiqiy hayotda bunday qahramonlar mustaqil jurnalistlar, blogerlar va faollar. Ular haqiqatni aytish uchun hayotlarini xavf ostiga qo‘yishyapti, qamalgani, tahqirlangani yoki ta’qib qilingani bilan kurashdan voz kechishmayapti.
Asosiy savol shuki: biz insoniyat singari, bu total nazoratga qarshi tura olamizmi? Biz erkin fikrlashni saqlab qolib, xalqimizning kelajagini mustaqil va yorqin qila olamizmi? (M).