Jahon adabiyoti | Kutubxona

#Bir_kitob_haqida

«Ovozimizni ham chiqarmay, jimgina urush tugashini kutishdan boshqa choramiz yo‘q»

📖 Anna Frank kundaligi

Davomi

«Anna Frank kundaligi»
Kundalikdagi oxirgi «xat» 1944-yil 1-avgustda — maxfiy boshpanadagi sakkiz nafar yaxudiy va ularning ikki nafar haloskorlari hibsga olinishidan uch kun oldin yozilgan. Maxfiy boshpanada jon saqlaganlarning yetti nafari, shu jumladan, Franklar oilasining uch a’zosi konslagerlarda halok bo‘ladi. Faqatgina Otto Frank konslager daxshatlaridan omon qolib, 1945-yilda Amsterdamga qaytadi.

Yashiringanlarni hibsga olish payti, tintuv vaqtida tushirib qoldirilgan kundalikni topib olgan Franklar oilasining yaqin do‘sti Mip Giz uni Otto Frankka topshirgan. Otto Frank ayrim tuzatishlar bilan kundalikni kitob holida chop ettirgan va qolgan umrini qizining nomini abadiylashtirishga bag‘ishlagan.

Franklar yashiringan maxfiy boshpana hozirda Anna Frank nomidagi uy-muzeyga aylantirilgan. Anna Frank kundaligi asosida qisqa va to‘liq talqinda filmlar suratga olingan. Kitob bugungi kungacha 70 dan ortiq tillarga tarjima qilingan.

👉Kitobni o‘qish

📚 @jahonadabiyoti_uz

#Bir_kitob_haqida

«Ovozimizni ham chiqarmay, jimgina urush tugashini kutishdan boshqa choramiz yo‘q»

📖 Anna Frank kundaligi

Davomi

Millatlar va dinlar o‘rtasidagi hamjihatlik

Yaxudiylarga nisbatan ommaviy qirg‘inning ko‘lami tobora kengayar ekan, yashirinish, yashiringanlarga yordam ko‘rsatish, soxta hujjatlar tayyorlab berish, ularni oziq-ovqat va boshqa zaruratlar bilan ta’minlash kabi sa’y-harakatlar, natsistlarning o‘ta shafqatsiz siyosiy tuzumiga qaramay, ommalashib borgan.

Franklar oilasi va ular bilan birga yashagan millatdosh do‘stlari, umuman, yaxudiylarning natsistlar ta’qibi va qirg‘inidan vaqtinchalik yoki butunlay xalos bo‘lishi va omon qolishida nasroniylar, Annaning ta’biri bilan aytganda, mardlik namunasini ko‘rsatganlar.

Shunisi e’tiborliki, ular bu ishlari ortidan o‘zlari duch kelishlari mumkin bo‘lgan potensial xavfni bo‘ynilariga olib, ongli ravishda shu ishga qo‘l uradilar. Ular har qanday vaziyatda insonparvarlikka, umuminsoniy qadriyatlarga sodiq qolishgan. Inson qadr-qiymatini har narsadan — mollaridan, jonlaridan ustun qo‘yib, shuncha haqsizlik, shafqatsizliklar orasida o‘z vijdonlarini pok saqlab qolishga muvaffaq bo‘lishgan.

Ehtimol ular bu urush insonlarga baxt yoki farovonlik olib kelmasligini, uning behuda qon to‘kish va vayronagarchilikdan, millatlar, xalqlar orasida adovat urug‘ini sepishdan boshqa narsa emasligini yaxshi anglaganlar.

Davomi bor

👉Kitobni o‘qish

📚 @jahonadabiyoti_uz

👤 Mark Tven
📓 "Janna d'Ark"

📚 @jahonadabiyoti_uz

#Bir_kitob_haqida

«Ovozimizni ham chiqarmay, jimgina urush tugashini kutishdan boshqa choramiz yo‘q»

📖 Anna Frank kundaligi

Davomi

Mutolaa — hayotiy zarurat

Kundalikda bir jihat e’tiborni tortadi — Anna va u mansub bo‘lgan jamiyat a’zolarining o‘qish, o‘rganish, mutolaaga bo‘lgan jiddiy munosabati. Tashqi dunyodan uzilgan, mavhum kelajak oldida turgan, tahlika ostida hayot kechirayotgan bo‘lishlariga qaramay, ularning barchasi nimadir o‘qish-o‘rganish payida bo‘lishadi.

Avvaliga bu maxfiy boshpanada kunning ayrim belgilangan soatlaridan tashqari vaqtda ovoz chiqarmaslik, gaplashmaslik yoki harakatlanmaslik talabi bilan bog‘liq, shunchaki vaqtni o‘ldirish vositasi degan tasavvur uyg‘onadi. Biroq bu mazmundagi shubhalarni aritadigan boshqa bir jihat bor — yashirinishdan avvalgi davrga oid xotiralarida (undan keyingilarida ham) Anna har qanday tug‘ilgan kun yoki bayramlar haqida hikoya qilar ekan, eng ko‘p qabul qilingan sovg‘a kitoblar ekanligiga guvoh bo‘lish mumkin.

Ular o‘qish, o‘rganish, mutolaaga — tabiiy zarurat, voz kechib, chetga surib, hatto kechiktirib bo‘lmaydigan ehtiyojdek qaraydilar. Xuddi odamning qorni ochganida, chanqaganida, uyqisi kelganida (yoki hojatga chiqqisi kelganida), uni keyinga qoldirib turishning imkoni bo‘lmaganidek, o‘qish-o‘rganishni ham paysalga solishmaydi.

Yana bir e’tiborli jihati shundaki, bu intilish zamirida, nazarimda, zamonaviy dunyodagi aksariyat o‘quvchi-talabalarga xos moddiy farovonlik maqsadi emas, aqliy yuksalish, o‘zi yashab turgan dunyoni kashf etish, atrofidagi bo‘lib o‘tgan va o‘tayotgan voqealar, jarayonlardan boxabar bo‘lish istagi yotadi.

Davomi bor

👉Kitobni o‘qish

📚 @jahonadabiyoti_uz

👤 Joanna Ketlin Rouling
📓 "Garri Potter va Otashli jom" (4-kitob)

"Garri Potter" romanlar turkumining ushbu qismida bu yil "Xogvars" da Uch sehrgar bellashuvi bo‘lib o‘tadi. Sehrgarlar olamida nihoyatda qiziqarli sanaladigan ushbu tadbirda Yevropadagi uchta yirik maktab: "Xogvars", "Belstek" va "Durmshtrang" o‘quvchilari orasidan saralab olingan chempionlikka da’vogarlar ishtirok etadi.
Bu bellashuvning oqibatlari haqida esa asarni o‘qish davomida bilib olasiz.

📚 @jahonadabiyoti_uz