ISFIda AES qurilishi boʻyicha ilmiy anjuman boʻlib oʻtdi.

Ijtimoiy va siyosiy fanlar institutida oʻtkazilgan "Vatandosh" intellektual klubining navbatdagi sonida Oʻzbekistonda atom elektrostansiyasi qurilishi muhokama qilindi.
Tadbirda soha mutaxassislari, jurnalistlar, siyosatshunoslar, turli soha vakillari, shuningdek institutimiz talabalari ham ishtirok etishdi.

Yuqori saviyada tashkil etilgan va bahs-munozaralarga boy savol-javoblar bilan oʻtgan anjumanda: Oʻzbekistonda AES qurilishining xavfsizlik masalasi, siyosiy ahamiyati, xarajatlari va oqibatlari, shuningdek, quyosh va shamol energiyasining xavfsiz va arzon ekanligi haqida xulosalar olindi.

Institutimizning ijtimoiy-siyosiy mavzularda munozara maydoniga aylanib borayotgani quvonarli va tahsinga sazovor.