O‘zbekiston Respublikasi Vazirlar Mahkamasining tegishli qaroriga binoan, sog‘liqni saqlash tizimini rivojlantirish va xalqaro tajribani oshirish maqsadida Sog‘liqni saqlash vazirligi tomonidan Turkiyadan yuqori malakali mutaxassislar guruhi jalb qilindi.

Hozirda Turkiyalik ekspertlar Buxoroda bo‘lib, mahalliy tibbiyot vakillari bilan hamkorlikda keng ko‘lamli faoliyatni amalga oshirmoqda. Ular viloyatdagi tibbiyot muassasalarining barcha yo‘nalishlarini chuqur o‘rganib, faoliyatni tahlil qilish ishlarini olib bormoqda.

Mazkur tashabbusning asosiy maqsadi tibbiyot tizimining samaradorligini oshirish, zamonaviy texnologiyalarni joriy etish hamda aholiga ko‘rsatilayotgan tibbiy xizmatlar sifatini yangi bosqichga olib chiqishdir.

Hamkorlik doirasida Turkiyalik mutaxassislar mahalliy shifokorlar uchun o‘quv seminarlarini o‘tkazish, malaka oshirish dasturlarini yo‘lga qo‘yish hamda yangi davolash usullarini joriy etishda o‘z bilim va tajribalari bilan o‘rtoqlashmoqda.

Bu xalqaro hamkorlikning samarali amalga oshirilishi mamlakatimiz tibbiyot tizimini rivojlantirishda muhim qadam bo‘lib, aholining sog‘lig‘ini saqlash yo‘nalishida sezilarli o‘zgarishlar keltirishi kutilmoqda.

🌐

Telegram

|

🌐

Instagram

📺

You Tube

|

📱

Facebook

🐦

Twitter

📱

linkedin