8 Mile

Slim Shady personasi qanday yaratilgan?

Biz chorak asrdan beri ko'rib kelgan anti-qahramonimiz Eminemning alter egosi asli qanday yaratilgani va nima Marshallni bunday persona o'ylab topish uchun undaganini bilamizmi? Hozir shunga to'xtalib o'taman.

Eminemning eng yaqin do'sti va mentori Proof 1995-yilda do'stlari bilan birgalikda D12 guruhini yaratadi. Bu Nyu-Yorkning "Wu-Tang Clan" guruhining Detroit versiyasi edi, unga ko'ra bu repperlar ham alohida solo artist sifatida, ham birgalikda D12 sifatida ijod qilishlari ko'zda tutilgandi. "D12" - Dirty Dozen va Detroitlik o'n ikkilik nomlari birlashmasi edi, biroq guruhda oltita repper bor edi. Mana shu yerda biz Shady'ning ibtidosiga yuzlashamiz. Proof talantli repper va juda aqlli inson edi, u o'zi bilan yig'gan beshta repperga alter-egolar yaratishni buyuradi. U guruhdagi oltita repperning yana oltita alter egosi bo'lishi lozimligini aytadi, bu personalar hech narsadan tap tortmaydigan, har qanday normalarga tupurib qo'ygan, og'ziga kelganini ikkilanmasdan ayta oladigan personajlar bo'lishi kerak edi. Proof bu orqali o'zlari gapirishga hayiqadigan mavzularni alter egolar yordamida baralla aytishni maqsad qilgandi. Proof o'zi tasavvur ham qilmagan holda hip-hop tarixidagi eng katta maxluqni yaratishda o'ta muhim rol o'ynaganini biz endi bilib turibmiz.

Bu 1995-yildagi gaplar edi. Biroq do'stining buyrug'ini bajarish Marshall uchun uzoq vaqt talab qildi. U 96-yil oxirrog'ida "Infinite" albomini chiqardi, biroq uni eshitsangiz ko'rishingiz mumkin - albomda rhyme-scheme'lar yuqori darajada biroq Eminemning aytishga mavzusi yo'q. Ularda real odamlik yetishmaydi, bu Eminemni tinglab turib, uning qo'shiqlarini o'z hayotingizga bog'lashingiz qiyin. Shu va boshqa ko'plab sabablar tufayli albom muvaffaqqiyatsizlikka uchradi. Eminem hatto albomga sarflagan pulini ham chiqarib ololmadi. Bir necha oydan so'ng esa, Eminem kechki smena ishida, hojatxonada o'tirib, o'zining alter-egosiga nom qidirib o'tiradi va to'satdan "Slim Shady" taxallusi uning miyasini egallaydi. U hojatxonadan chiqib, omborxonaga kiradi va xonada o'tirib olgancha besh soat to'xtamay "Slim Shady" nomiga barlar va lirikalar yozib o'tiradi. Bu aynan Slim Shady nomining yaralish tarixi edi, alter-ego g'oyasining tarixini esa tepada ko'rib chiqdik.

Xo'sh, Marshall nega yana bitta persona yaratib oldi? Nega Slim Shady'ni Eminemga singdirib qo'ya qolmadi? Nega endi u butun umr Eminem-Slim-Mathers bo'lib yashashga mahkum?

Eng avvalo, barchamizning ichimizda Slim Shady mavjud. Biz odatda uni jilovlab, to'xtatib turamiz biroq ba'zan u portlaydi va atrofimizni vayron qiladi. Marshall bir kuni o'sha Slim Shady allaqachon ichida mavjud ekanini qabul qildi va uni dunyoga ko'rsatishdan uyalmadi. Eminem esa Marshall va Slim Shady'ni bog'laydigan personaj desak mubolag'a bo'lmaydi. Chunki Marshall Mathers o'zining repdagi maskasi sifatida Eminemni yaratgan, u - yengilmas repper, u - Rap God, u - Marshallning hayotini repda olib chiqish uchun mas'ul shaxs. Slim Shady esa ham Marshallning, ham Eminemning ichidagi boshqa bir shaxs. U ikkalasidan keyin replarda chiqa boshlagan, u Marshallning eng qorong'u tomonlarini oladi va Eminemning rep qobiliyatlari bilan birlashtirib o'z trek chiqaradi. Marshall Mathersni katta doira deb qarasak, uning ichida o'rtacha doira - Eminem mavjud, buning ham ichida esa - eng kichigi Slim Shady mavjud. Real shaxs - Marshall Mathers'ning hayotidan Eminem o'ziga material oladi, Slim Shady esa Eminem olgan material ichidan o'zinikini topadi va aytadi.

Mana shu uchta personaning bir-biriga bog'liqligi desam xato bo'lmaydi, menimcha. Men bu uch insonni shunday ko'raman va qabul qilaman, siz bu uchovlon haqida qanday fikrdasiz, ularni bir-biriga qanday bog'lab kelgansiz, izohlarda yozib qoldiring.

#EminemSlimMathers

@shady_verse

Hip-hopda nima gaplar?

Eminem o'tgan hafta yangi "The Death Of Slim Shady" albomidan ilk singli - Houdini ni taqdim etdi. Yangi albomga yanada hayf bo'lib bergan ushbu qo'shiqdan so'ng eminem.com saytida yetti kunlik teskari sanoq mashinasi o'rnatildi va juma kuni yarim tunda nihoyasiga yetadi. Juda katta ehtimol ertaga Detroit vaqti bilan yarim tunda yangi singl-u klip va treklist ham taqdim etiladi.

Shuningdek, ertaga sana 06.06.24 bu ham Slim Shady'ning yana bir sehrli ishlariga belgi bo'ladi. Bundan tashqari ertaga Eminem uzoq yillik tanaffusdan so'ng Detroitda konsert berishi lozim. O'sha konsert davomida yangi qo'shig'ini premyera qilishi kutilmoqda.

Certified Boogeyman - Kendrick Lamar atrofida ham ko'plab gaplar yig'ilib qoldi. Drake'ka qarshi chiqarilgan so'nggi va hal qiluvchi diss-trek - "Not Like Us" xit qo'shig'idan roppa-rosa bir oy o'tib, Kendrick Lamar haqida real axborot mediaga chiqarildi.

Kechagina K-Dot albom ustida ishlayotdani rasman tasdiqlandi va u 19-iyun kuni konsert berishi ham ma'lum qilindi. K-Dot muhlislari orasida esa allaqachon albom sanasi haqida bir nechta ishonarli teoriyalar chiqib keldi. Eng ishonarlilaridan biriga ko'ra esa albom 12-iyun kuni reliz qilinishi kerak ekan. Aynan ushbu sana qalqib chiqganiga sabab esa Kendrick'ning avvalgi albomlari chiqgan sanalar. TPAB - 15-mart kuni, DAMN. - 14-aprel kuni, Mr. Morale esa 13-may kuni taqdim etilgandi. Oylar bittaga oshgani sari, kunlar bittaga qisqarib borayapti, shu kombinatsiyaga ko'ra yangi albom - chorshanba kuni chiqishi taxmin qilinmoqda.

Yana bir teoriyaga ko'ra esa, yangi albom Kendrick'ning konserti payti - 19-iyunda taqdim etiladi. Bu sana Xalqaro Qora Tanlilar Ozodligi Kuni sifatida nishonlanib kelinadi va K-Dot'ning ushbu sanada, o'zining faoliyatidagi eng pik davrida, eng ko'p kutilayotgan albomini chiqarishi rostan ham haqiqatga yaqindek. Biroq bu ikkala sana ham chorshanbaga to'g'ri keladi. Albom chartlarda ko'proq turishi uchun har doim juma kunlari chiqarilinib kelinadi, shunda chartlarda turish uchun bir hafta vaqti bo'ladi, bu sabablarga ko'ra ba'zilar albom tepadagi ikkala kunda ham chiqarilmaydi deyishyapti va bu gapda ham jon bor.

Biz biladiganimiz shuki hip-hopning ulkan titanlari Eminem hamda Kendrick Lamar ushbu yozda o'zlarining uzoq hamda sabrsizlik bilan kutilgan gigant albomlarini taqdim etishadi. Bu yil hip-hop uchun brilliant yilga aylanib bo'lgandi, unga yanada sayqal berish endi ushbu ikki buyuk ijodkor qo'lida.

@shady_verse

"Salom, Em. Bu Pol
Men albomni eshitib chiqayotgandim. Omadingni bersin, **** !"

Eminem - Houdini

2002-yildan g'oyibona portal ochiladi va Slim Shady hozirgi dunyomizga sakrab o'tadi. U barcha narsani vayron qilishga tayyorlanmoqda, Dr. Dre va Emimem esa Eski Eminemni to'xtatib, dunyoni saqlab qolish uchun yo'lga tushishadi.

Qo'shiq huddi eski Slim Shady uslubida "Mr. Don't Give A F**k" stilida ishlangan, uning "Without Me", "The Real Slim Shady, "My Name Is" treklariga va kliplariga ko'plab belgilar va ishoralar berilgan. Klipda 50 Cent, Snoop Dogg, Jimmy Lovine, Paul Rosenberg kabi Marshallning yaqin insonlari va uning qizlari ham kameolar qilishgan. Umuman olganda, klip trekni to'liq qoplab olgan, uni qoyilmaqom ochib bergan.

"The Death Of Slim Shady" albomining birinchi singlidanoq Slim Shady bir nechta mashxur insonlar va jamiyatlarni ustidan kulishga ulgurdi. Masalan, Black Eyed Peas guruhining sahnada qilgan ishini tilga olib ketildi, Megan Thee Stallion esa yangi Kristina Aguilera rolida desam adashmayman. Shuningdek, transgender va homofoblarning ustidan eski Shady uslubida masxara qilishlar, drug iste'moli sahnalari, Slim Shady'ni blok qilmoqchi bo'lgan tik-toker Gen Z avlodining ham ustidan mazg'ava og'darildi bunda. Meni o'zimni eng hayron qoldirgani esa bu yangi Slim-inem jamiyat va o'z do'stlari uyoqda hatto o'z qizlarini ham ayab o'tirmadi:

F... them, f... Dre, f... Jimmy, f... me, f... you
F... my own kids, they're brats

Eminem hech qachon yomonlamagan qizlarini ham haqorat qilyaptimi demak albomda jiddiyroq bir nima kutyapti bizni. Trekda ko'plab barlar, rhyme-schemelar, lirikalar tahlili qolib ketdi, Eminemning delivery texnikasiga ham to'xtalish kerak edi aslida. Naqorot esa juda quloqqa yoqadigan qilib ishlangan, bittada miyada qolib ketadi. Klipning oxirida ko'rgan bo'lsangiz SNL dagi Eminemning parodiyalari bilan nom qozongan Pete Davidsonning ham kameosini ko'rdik. U Eminemning ko'plab ikonik qo'shiqlariga parodiyalar qilgan va o'sha videolarning bir nechtasida Eminem ham kameo qilib bergan. Mana bu klipda esa u ham ko'rinish berdi.

Umuman olganda, Qiroldan yaxshi yurish. Eski stilda Slim Shady'ni ozod qilib, ham mainstream uchun, ham o'zining fikrlarini ilk singlda olib chiqib ko'rsatdi va albomga yanada qiziqish uyg'otishda davom etyapti. Pol etgandek, Eminemga omad)

@shady_verse