106 nafar fidoyi soha xodimlariga sovgʻalar topshirildi

8-mart – Xalqaro xotin-qizlar kuni munosabati bilan “O‘zbekiston temir yo‘llari” aksiyadorlik jamiyati majlislar zalida Boshqarma kasaba uyushma qo‘mitasi tomonidan soha korxonalarida sharaf bilan mehnat qilayotgan fidoyi temiryo‘lchi opa-singillarimizning 106 nafari munosib taqdirlandi.

Shu munosabat bilan bo‘lib o‘tgan tadbirda Personalni boshqarish va kadrlar tayyorlash departamenti boshlig‘i Davronbek Sobirov, “Temiryo‘linfratuzlima” aksiyadorlik jamiyati bosh muhandisi Erkin Ummatov hamda tarmoq kasaba uyushmasi Respublika Kengashi bosh yurist konsultanti Akbarjon Azizov hamda “O‘zbekiston temir yo‘llari” aksiyadorlik jamiyati Boshqarma Kasaba uyushmasi qo‘mitasi raisi Sh.Umarovalar ishtirok etishdi va temiryo‘lchilarni kasb bayrami bilan tabriklashdi.

Shundan so‘ng fidoyi kasb egalariga qimmatbaho esdalik sovg‘alari va guldastalar tantanali tarzda topshirildi.

"O'zbekiston temir yo'llari" AJ
Axborot-tahliliy media markazi

|Site|Telegram|Facebook|YouTube|Instagram|X