ZULFIYA XOTIRASIGA

Ibo, vafo teran so'zda mujassam,
Shirin xayol mudom sening sirdoshing,
"Sabr tagi oltin" deb ichding qasam,
Hayot zarbasiga yetdi bardoshing.

Shoira qizlaring o'tkazib bazm,
She'rlaring o'qishar, to'lqinlanib chog',
Bog'liq umr yo'ling yoritdi nazm,
Tasanno aytdi va har bitta nigoh!

Yosh ijodkorlarning chindan safi keng,
Ash'or taqdiridan bo'lsin ko'ngling to'q.
Nodira, Uvaysiy kabi mingdan ming,
Ibratomuz so'zing qalblarda o't-cho'g'!

Sayyora ROZIQOVA — "O'zbek tili va adabiyoti" kafedrasi o'qituvchisi

https://t.me/ilmyolihayotnuri