👉 Toshkent shahrida qish mavsumiga tayyorgarlik yuzasidan seminar o‘tkazildi

Bugun, 2 dekabr kuni Toshkent shahar hokimiyati, Toshkent shahar Ichki ishlar bosh boshqarmasi (IIBB), va tegishli tashkilotlar tomonidan Yashnobod tumanidagi maxsus maydonda qishki mavsumga tayyorgarlik bo‘yicha amaliy seminar tashkil etildi. Tadbirda Toshkent shahrining markaziy, mahalliy va ichki ko‘chalarini qordan va muz qoplamalaridan tozalash ishlari muhokama qilindi.

Seminar davomida Toshkent shahar IIBB YHXB (Yo‘l harakati xavfsizligi boshqarmasi) xodimlari tomonidan barcha maxsus texnikalar texnik ko‘rikdan o‘tkazildi. Shuningdek, yo‘llardagi muzlamalarni eritish uchun mo‘ljallangan maxsus tuz zahirasi tayyorlanganligi qayd etildi. Qish mavsumida yo‘llarda xavfsizlikni taʼminlash va transport vositalarining harakatlanishini muvofiqlashtirish maqsadida Toshkent shahar IIBBning yagona tezkor boshqaruv markazida masʼul tashkilotlаrdan iborat ishchi guruh tuzildi.

Bundan tashqari ushbu tadbir davomida maxsus texnikalar tomonidan qor yoqqan vaqtda yo‘ldagi muzliklarni qanday usulda eritish jarayoni amaliy ko‘rsatildi.

Mazkur tadbir orqali shahar infratuzilmasining qishki sharoitlarga tayyorligini baholash va yo‘llarda xavfsizlikni oshirishga qaratilgan chora-tadbirlarni amalga oshirishni taʼminlashga xizmat qiladi.

💻 Facebook 🖥 Instagram 📲 Telegram 💻 VK 📱 OK 📹 YouTube 🎥 Mover 🐤 Twitter 📲 Threads