Shuningdek Prezident maslahatchisi Yangibozor tumanining Pahlavon Mahmud mahallasidagi Yangibozor tumani Maktabgacha va maktab ta’limi bo’limi qoshida tashkil etilgan “Ilk rivojlanish markazi” bilan ham tanishdi. Bu yerda 3 yoshdan 7 yoshgacha bo’lgan nogironligi bor bo’lgan bolalar hamda kambag’al oila farzandlari, ijtimoiy himoyaga muhtoj oilalar bolalari jalb etiladi. 120 nafar bolalar tarbiyalanishi uchun markaz to’liq ta’mirlandi va jihozlandi. Tumanda 3 yoshdan 7 yoshgacha bo’lgan 119 nafar nogironligi bor bo’lgan bolalar bo’lib, endilikda ijtimoiy xodimlarning mahallalarda o’tkazgan o’rganishlariga tayangan holda bergan tavsiyalari asosida markazga tarbiyalanuvchilar jalb qilinadi.

Agentlik direktori bu nuqta inklyuziv ta’limning boshlang’ich bo’g’ini ekanligiga alohida urg’u berdi. “Biz ushbu markaz orqali davlat rahbarimiz belgilab bergan inklyuziv ta’limning naqadar samarali ekanligini ko’rsata olamiz, natijasini esa odamlar o’z oilasida, hayotida teran anglaydi”- dedi.

💻 instagram 🎞 youtube
📝 telegram 🎖 www.ihma.uz
📝 facebook

🧠 Ijtimoiy himoya milliy agentligining
Xorazm viloyati boshqarmasi matbuot xizmati.