Agentlik direktori Urganch shahridagi band bo’lmagan aholiga xizmat ko’rsatuvchi monomarkaz ya’ni “Kasbiy ko’nikmalar markazi”da qilingan ishlar bilan ham tanishdi.

Ijtimoiy jihatdan turli og’ir vaziyatlarga tushib qolgan oilalardagi ayollar, tazyiq va zo’ravonlikdan jabr ko’rgan xotin-qizlarning jamiyatga qayta qo’shilishi ya’ni o’zini o’nglab olishi nihoyatda muhim. Bu borada Viloyat Ichki ishlar boshqarmasi hamda Kasbiy ko’nikmalar markazi hamkorligida qilinayotgan ishlar taqdimoti o’tkazildi. Shunday ayollarni aniqlash va ularni hayotga qaytarish yo’lida qilinayotgan tashabbuslar e’tirof etildi.

Bugun bu orqali monomarkazda kasb o’rganib endilikda o’z mustaqil ishini boshlash istagidagi ayollarning ko’pligini ko’rish mumkin. “To’g’ri hayot ularni har xil vaziyatga solgandir, ammo ularga kuch berish, imkon berish, Vatanni, oilani qadrlashni o’rgatish, hayotni sevish kerakligini anglatish yo’lida qilinayotgan bu hamkorlikdan juda xursandmiz” - dedi, Mansurbek Olloyorov.

💻 instagram 🎞 youtube
📝 telegram 🎖 www.ihma.uz
📝 facebook

🧠 Ijtimoiy himoya milliy agentligining
Xorazm viloyati boshqarmasi matbuot xizmati.