Kuni kecha Finlandiyaning Markaziy Osiyodagi Favqulodda va Muxtor elchisi Raisanen Ilkka bilan Ijtimoiy himoya milliy agentligida uchrashuv o‘tkazdik.

🤝 Muloqot davomida ijtimoiy himoya sohasida zamonaviy va samarali siyosatni shakllantirish masalalari muhokama qilindi. Xususan:
• ijtimoiy xizmatlarni kengaytirish bo‘yicha strategiya va dasturlarni ishlab chiqish;
• ijtimoiy kartani tatbiq etish;
• maxsus ta’lim va inklyuziv kasbiy ta’limni rivojlantirish;
• alohida ta’lim ehtiyojlariga ega bolalar bilan ishlash uchun o‘qituvchilar malakasini oshirish;
• ijtimoiy xizmatlarni raqamlashtirish kabi dolzarb yo‘nalishlarda hamkorlikni mustahkamlashga kelishib oldik.

✅ Ushbu uchrashuv ijtimoiy himoya sohasida xalqaro tajribadan foydalanish va innovatsion yondashuvlarni joriy qilish imkoniyatlarini kengaytiradi. Finlandiya bilan hamkorlikda belgilangan rejalarni amalga oshirish orqali aholining ijtimoiy ehtiyojlarini qondirishga xizmat qiluvchi tizimni yanada samarali qilishni maqsad qilganmiz.

Biz ijtimoiy himoyani har bir inson uchun yanada yaqinroq qilamiz!