Ichki Sen

Har narsada go‘yo o‘zingizning aksingiz bilan sinalasiz.

Jasur bo‘lsangiz, qo‘rqoq odamlar uchraydi.
Mehribon bo‘lsangiz, zolimlar bilan to‘qnashasiz.
Sadoqatli bo‘lsangiz, vafosizlikni ko‘rasiz.
Fidoyi bo‘lsangiz, qadr bilmaydiganlar chiqadi.
Yaxshi niyatingiz esa undan foydalanmoqchi bo‘lganlar bilan sinaladi.

Chunki bu dunyo insonning aslini ko‘rsatadigan sinov joyidir.

Alloh bandasining qanday inson ekanini faqat tinch kunlarda emas, og‘ir odamlar bilan uchrashganida ham ko‘rsatadi.

Yaxshilikning qadri yomonlik orasida bilinadi.
Sabr qattiq ko‘ngilli odamlar orasida sinaladi.
Go‘zal xulq esa ayniqsa nohaqlikka uchraganda namoyon bo‘ladi.

Ba’zan ichingizdan:

“Men nima qildimki, bularning hammasi boshimga kelyapti?”

degan o‘y o‘tadi.

Lekin masala har doim nima qilganingizda emas. Ba’zan sinov Sizning qanday inson bo‘lib qolishingizni ko‘rsatadi.

Hasan Basriy rahimahullohning shunday so‘zi bor:

“Oltin olovda, inson esa musibatda bilinadi.”

Agar mehringiz zulm bilan sinalayotgan bo‘lsa, biling, o‘sha mehrning qadri bor.

Agar sadoqatingiz vafosizlik bilan sinalayotgan bo‘lsa, biling, o‘sha sadoqat ham qadrli.

Chunki qadrli narsalar ko‘pincha oson sinovlardan o‘tmaydi.

Payg‘ambarimiz sollallohu alayhi vasallam shunday deganlar:

“Eng og‘ir sinovlar payg‘ambarlarga, keyin esa darajasiga qarab solih bandalarga keladi.”

Demak, boshdan kechirayotgan qiyinchiligingizni darrov jazo deb o‘ylamang. Ba’zan bu bir sinov bo‘ladi.

Siz to‘g‘ri bo‘lib qolishda davom eting.

Qarshingizdagi odamlarning fe’li Sizni o‘zingizdagi yaxshilikdan qaytarmasin.

Va unutmang:

Qorong‘ilik ham nurning qadrini ko‘rsatadi.

💬 https://t.me/ichkisen