#kitob

– Tavba qilsam, balki najot toparman. Lekin men bir narsaga hayronman?
– Nimaga hayronsan?
– Sen mening jismim orqali nafas olasan, oziqlanasan. Shunda ham nima uchun meni doim tubsiz jar sari boshlaysan?
– Ey meni yaxshi tanimaydigan odam! Axir mening vazifam insonlarni jinoyat, fahsh, harom luqmalarga qo‘l cho‘zish kabi yomon ishlarga boshlashdan iborat-ku. Shundagina men vazifamni bajargan bo‘laman-ku?!
– Nima, sen odamlarni hecham yaxshilikka boshlamaysanmi?
– Nozik joyimdan ushlading. Yaxshilikka boshlovchilar bizning oramizda ham bor. Lekin buning uchun sen meni yengishing va tarbiyalashing kerak edi. Sen meni emas, men sening qulinga aylanishim kerak edi. Bu hammaning ham qo‘lidan kelavermaydi. Shu savoling bilan mening ichimdagi armonlarimni yuzaga chiqarding. Men ham yoshligimda ba’zi nafslarga o‘xshab kamolotning eng yuqori cho‘qqisiga chiqqim kelgandi. Lekin sen meni ne ahvolga solib qo‘yding?!
– Shoshma. Sen o‘zing aytding-ku, mening vazifam insonlarni yomon yo‘lga boshlash deb?!
– Aslida biz birgamiz. Yana qaytarib aytaman

- Nafs bu - men, men esa sen, Sen esa men.

📚"To'xta"

Muallif: Abdulkarim Hasan