Hayotimizda kutilmagan holatlarga to‘ladir. Aynan shunday voqealardan biri men bilan sodir bo‘ldi. Voqeani boshidan aytib beraman qiziq bo‘lsa agar.

2023-yil o‘zim sevgan kasbni puxta o‘zlashtirish maqsadida xohlagan O‘zbekiston Jurnalistika va Ommaviy kommunikatsiyalar Universitetiga o‘qishga kirdim.1-kurs davomida bor e'tiborimni o‘qishga qaratib oilam byudjetidan ko'p pul olar edim. Ota-onam meni kontraktim va poytaxtda hech kimdan kam bo‘lmasligim uchun borini berishga tayyor.
Lekin 2-kursga o‘tib angladimki,o'qish bilan birgalikda ishlash zarar qilmaydi. Joriy yil ko‘p ish izlab-izlab oxiri "Yandex eats" taom yetkazib berish xizmatiga kuryer bo‘lib ishga kirdim. Piyoda qiynalib, velosipedda esa arenda to‘lash ortiqcha xarajat edi. Ajoyib kunlardan bir kuni rektorimiz ustoz Sherzod Kudratkhodjaev talabalardan hol-ahvol olish maqsadida yotoqxonaga tushganlarida xonamizdagi sariq sumkalarga ko'zi tushdi va
—"Kim kuryer bo‘lib ishlaydi" deb so'radi.
Men va do‘stim "biz" deb javob berdik.
—"Barakalla bollarim halol mehnat qilyapsilar yashanglar" deb maqtagani bizga juda katta motivatsiya edi.
Oradan 2 kun o‘tmasdan kutilmaganda bizga Universitetdagi otamiz velosiped sovg'a qildi. Ha ha to'g'ri eshitdingiz otamiz. Bunday deyishimga sabab ustoz ham bizni farzandim o‘g‘lim deb chaqiradi.
Dunyoda yaxshi insonlar ko‘p va ular sabab bu borliq haliyam turibdi. Rektorimiz timsolida aytishim mumkinki bizdan qoladigan dunyoda, bizga qoladigan savob amallar qilib qolaylik.

Biz uchun bu kun tarix zarvaraqlariga muhrlandi. Qarzimizni uzish va ishonchni oqlash uchun doimo o‘z bilim va kuchimiz bilan xizmatdamiz.