Hodiyev blogs

Repetitorlik faoiliyati yaqin yillarda o'z kuchini yo'qotishi mumkinmi?


Protses boshlangan, 50% darajagacha chiqqan desa ham bo'ladi. Qishloqning chekka hududida o'zining qattiqqo'llik va biqiq muhitida 80-90 talab joylagan o'quvchini 4-5 soatlab dars o'tadigan repetitorlar borgan sari kamayib ketyapti. Bunga xususiy OTMlar ko'payotgani va davlat OTMlariga kirish imkoniyati yengillashayotgani, ta'lim biznesga aylanib borayotgani, oliy ma'lumotli bo'lmasa ham oliy ma'lumotlidan farovonroq yashay oladiganlar ko'payotganini sabab qilib ko'rsatish mumkin. Shunday bo'lsa-da Til bo'yicha, IT, Dizayn va boshqa maxsus sohalar bo'yicha kurslar o'z jozibadorligini saqlab qoladi. Ular asosan onlayn ta'limga o'tish yoki gibrid usulni ishga solgan holda o'quvchilarni ushlab turadi. Sun'iy intellekt repetitorga katta yordam berishi, hatto repetitorlarning o'rnini egallab olishi ham mumkin. Bu alohida mavzu...

Kursga tayyorlanishni xohlovchilar ham avvalgidek emas, ularning talablari borgan sari oshib boradi, lekin o'zlari talabga oldingilardek javob berisholmaydi. Ular bilan ishlash uchun har tomonlama mukammal mutaxassis kerak bo'ladi.

Bizda hozir o'tish davri bo'lyapti, axborotga to'yinmaganmiz. To'g'rimi-noto'g'rimi qabul qilib ketaveramiz, analiz, sintez qilib ko'rmaymiz, faktcheking yo'q. Bu davrdan o'tib olgach, onlaynda ham, oflaynda ham bizga berilayotgan axborotni haqiqatan sifatlisini ajratishni o'rganamiz. Iluziyaga emas, mohiyatga qaraydigan bo'lamiz.

@Hodiyev

Play stationda FC25 ni o’rnatdim. Bir kishilik karyera boshlab yubordim. Topinglar-chi, qaysi futbolchini tanladim?

Shofirkonda oflayn ishlayotganimga 1,5 yil bo’ldi. Ishda eng qiynaydigan narsa tizimsizlik va o’quvchining muntazam darsga qatnashish masalasi.

Hamma aravani o’zi tomonga tortadi. Kasbdoshlik hissi ham yo’q.

O’quvchi kam, repetitor ko’p. Juda ko’p narsalar avvalgidek emas. Soha eskiryapti. O’quvchilar ustozni, fanni avvalgidek hurmat qilishmaydi. Ko’z bilan emas, quloq bilan harakat qilishadi.

Men uchun bir vaqtlar eng zo’r makon onlayn ta’lim berish edi, buni mensimaganlarning o’zi ham hozir shu makonga o’tdi. Bu makonda ham repetitor ko’payib ketgan, lekin o’quvchi undanam ko’p. Talab shu darajadaki, hali tayinli dars o’tolmaydigan repetitorlarga ham o’quvchi bisyor. Bu makonda faoliyatimni qaytadan ko’rib chiqmoqchiman. Hoziram Onlaynda bizni biladiganlar, bizda tayyorlanadiganlar ko’p. Oflayn dars meni charchatyapti. Joy masalasi, xona, masofa, vaqt bo’yicha tortishuvlar, bir qarorga kelolmaslik.

Oflaynda sifatli dars berish mumkin. O’quvchilar nazorati, nazorat testi olish va jazo masalasi oflaynda ideal.
Lekin bir narsa ayta olaman, o’quvchi o’zini nazorat qila olsa, onlaynda ham oflayndagidek natija qilsa bo’ladi.

Bu mavzuga hali yana to’xtalaman.

Abduqodir Husanovning ManCityga tanishtiruvini kutayotganlar bormi?

Bugun ChatGPTning pullik versiyasini yana qayta ishga tushirdim. Undan boshqa maqsadda foydalanmoqchiman. Hozircha uni ham o'rganish ilmi bo'lishi kerak.

Kanalni ham faol yuritishga harakat qilamiz.
Xitoyning Temu marketplaysida nima gaplar? u-bu narsa xarid qilganlar bormi? Man xarid qildim, bir qismi keldi ham. Fikrlarimni birozdan so'ng aytaman.

Deydilar it hurur — o’tadi karvon,
Ranju balolardan yonmasin joning,
Lekin alam qilar bir umr giryon
Itlar orasidan o’tsa karvoning.

Abdulla Oripov