Ramazon va roʻzaga taalluqli mavzular nega har yil bayon qilinadi?

Hakimul ummat, Mavlono Ashraf Ali Tahanoviy rahmatullohi alayh shunday deydilar:
"Extimol, oʻquvchilarga "odamlar roʻzaga taalluqli juda koʻp mavzularini eshitib boʻlgan, shunday ekan, bu masalalarni yana qayta bayon qilishga nima hojat bor?" degan hayol kelar.
Doʻstlar! Sizlar ham bir ishni qayta qayta qilasizlar-ku. Kechasi taom yeysiz. Ertalab turib yana yeysiz. Tushda, kechqurunda, yana yeysiz. Shunday ekan, nega endi vaz-nasihat qiladigan odam haqida bunday hayol paydo boʻladi-da, oʻzingizning kundalik ishlaringiz borasida bunday oʻylamyasiz. Agar siz taom yeyishga extiyoj boʻlsa, extiyoj boʻlgandan keyin, yeyman-da deysiz. Shunday ekan, noni ozuqa deb bilasiz-u, lekin vaz-nasihatni ozuqa deb bilmaysiz. Vaholanki, jismning ozuqasi boʻlganidek, ruhning ham ozuqasi bor. Jismga har doim yangi ozuqa zarur boʻlganidek, ruhga ham doimiy ozuqa zarur. Balkim endi vazni qayta-qayta aytishga extiyoj borligini tushungan boʻlsangiz kerak. Chunki vaz-nasihatning maqsadi ham aynan taomniki kabi. Faqat farq shuki, ozuqa badaning quvati boʻlsa, vaz ruhning tirgagidir. Shunday ekan, vaz-nasihatning qayta-qayta aytilishi aslo foydadan xoli boʻlmaydi".