✨ Yurtimiz ulamolarining Rossiya muftiysi Ravil Gʻaynutdin hazratlari bilan uchrashuvi

2022-yil 8-iyun kuni Rossiya Federatsiyasi musulmonlari idorasi raisi, muftiy, shayx Ravil G‘aynutdin hazratlari O‘zbekiston musulmonlari idorasi va «Hilol Nashr» nashriyot-matbaasi delegatsiyasi a’zolari bilan uchrashdilar.

Uchrashuv jarayonida muftiy Ravil G‘aynutdin hazratlari O‘zbekiston va Rossiya musulmonlari o‘rtasidagi do‘stona aloqalar haqida gapirib o‘tdilar. Yurtimiz musulmonlari, xususan, O‘zbekiston musulmonlari idorasi raisi, muftiy Nuriddin domla Xoliqnazar hazratlariga salomlar, tashakkurlar yo‘lladilar.

So‘ngra ikki davlat vakillari o‘rtasida esdalik sovg‘alari almashildi. Jumladan, «Hilol Nashr» nashriyot-matbaasi rahbari Ismoil domla Muhammad Sodiq muftiy Ravil Gʻaynutdin hazratlariga shayx Muhammad Sodiq Muhammad Yusuf rahimahulloh qalamiga mansub «Tafsiri Hilol» asarining ruscha tarjimasini hadya qildilar.

Yurtimiz mo‘min-musulmonlari nomidan Muhammad Ayyub domla Homidov tashakkurlar aytdilar.

📲 Eslatib oʻtamiz, «Tafsiri Hilol» asarining rus tilidagi ilovasi ishlab chiqilgan. Ilovani ushbu havola orqali yuklab olishingiz mumkin.

🟢 Telegram 🟢 Instagram
🟢 Facebook 🟢 YouTube