Hazrati Kursdosh | Ibtido

— Meni ham kuldirib, ham yig'lata oladigan biror gap ayta olasanmi?
— Ha, albatta. Qancha maosh olishing va buning uchun qancha ishlashingni aytchi?

@hazratikursdosh

— Bitta savolimga javob ber. Qay darajada yalqovsan?
— Uff...

@hazratikursdosh

Youtube'da Muhabbat ismli singlimizni kuzatib boraman. Ayniqsa, qishloq hayotidan ajoyib vloglar tayyorlaydi. Eng muhimi videolarda real muhitni his qilasiz. Hozir bittasi "Qishloqda yangi yil bayrami" nomli videosiga qiziq fakt yozib ketgan ekan. Ya'ni, qishloqlarda hech qachon qorqiz qizbola bo‘lmagan. Men bunga qo‘shimcha qilmoqchiman: ichib olmagan qorboboyam bo‘lmaydi. 😂

@hazratikursdosh

Ilgarilari anavi ko‘zi bog‘langan, bir qo‘lida qilich, bir qo‘lida tarozi ushlagan opani hayotda bor deb o‘ylardim.

@hazratikursdosh

Tartib narsalarning taxlab qo‘yilganida emas, balki nima narsang qayerda turganini aniq bilishingda.

@hazratikursdosh

Ochlik hissi yumor hissini yeb qo'yishi mumkin ekan...

@hazratikursdosh

Kanali reaksiyalariga senzura qoʻymagan yagona admin sifatida shuni alohida ta’kidlamoqchimanki, oʻrta barmoqlaring sinib tushmagurlar, insof bilan-da!? Bu barmoqni boʻlar boʻlmasga ishlatavermaydi. Shuni bosishdan oldin farosatingizni qaysi choʻntagingizga solib qoʻyasiz? Shunday yashashga zerikmadingizmi? Yoʻq-yoʻq, boshqacha rakursda savol beray, opang yoki singlingni oldida qoʻlingni shunday koʻrsata olasanmi? Ha, boʻlsa bir soʻz demay taslim boʻlaman, agar unday boʻlmasa kanalimizda ham kimningdir singlisi yoki opasi borligini eslatish maqsadim. Endi qizlarimiz bosmayotgandir…😁

@hazratikursdosh

Ba'zida uyg‘onub, xayrli tong deyishga ham uyalasan kishi...

@hazratikursdosh

Optimistlar hafta so'ngidagi shanba va yakshanbani, pessimistlar besh yoki olti kunlik ish kunini ko'radi. Realistlar esa haftaga, shunchaki, oylik maoshning chorak qismi deb qaraydi.

@hazratikursdosh

2-qism | Savolga qaytamiz: manfaatli kontent nima?

Moddiy manfaat keltirmasa, hunar yoki til o‘rgatmasa – manfaatsiz. Shundaymi?!

Kamina boshqa javob varianti haqida o‘ylaydi. Bugun targ‘ibotchilari nazari va manfaatlarini ifoda etish uchun o‘rinli-o‘rinsiz qo‘llanavergani, kalaka qilinaverib, talonzada bo‘lib ketgani uchun bir chetda turgan tushuncha bor. Oti – MA’NAVIYAT.

Nima o‘zi u? Manfaatlimi? Soqqa qilish mumkinmi?
Avvalo, ma’naviyat har kimda tarbiyasi, axloqi, bilimi va dunyoqarashi qadar bo‘ladi. Keling, sizga nazdimdagi ma’naviyatli kishi qanday bo‘lishini aytib beray. Ma’naviyatli kishi odatda (hatto hech kim ko‘rmayotgan bo‘lsa ham) adolatli qonunlarni buzmaydi. Pora olmaydi. Qoidalarga amal qiladi, axloqiy tushunchalarga rioya qiladi. Soliqlarni to‘laydi. Birovlarning mahramiga ola qaramaydi, omonatga xiyonat qilmaydi, va’da bersa bajaradi, yolg‘on gapirmaydi. Nohaq bo‘lsa, uzr so‘rashga or qilmaydi. Nomusini sotmaydi. Fitna qo‘zg‘amaydi, qo‘liga richag berilsa, zulm qilmaydi. Ya’ni hatto kichik bir amal tegsa ham, oldiga ish bilan kelganlarni otangga bor, onangga bor qilib sarson qilmaydi…

Aytaversam, ko‘p davom etadi, tushuntirishga yetarli bo‘ldi deb o‘ylayman. Judayam sodda tushunishni istaganlarga qisqacha tushuntiraman. Tushuntira olganlarim bijir-bijir joyini o‘qimay o‘tib ketaversin.

Lo‘nda aytganda, ma’naviyatli kishi ko‘chada siponi “yoqib”, yolg‘iz qolganda internetda keks pishirishni izlamaydi. Ichi ham sirti ham bir xil toza bo‘ladi. Shu.

Bu gaplarning kanalga nima aloqasi bor? Yashang, bu qismiga endi yetib keldik. Adminni 30–40 foiz bo‘lsa ham ma’naviyatli deb bilaman (o‘zimda bu ko‘rsatkich undan ham kam bo‘lsa kerak). Kontenti aynan axloqiy tushunchalarga ko‘proq urg‘u beradi: oila, or-nomus, g‘urur, halollik…

Va bu postlar sizni “2000 do‘llir oylik beradigan” kasbga yo‘naltirmasligi, bir oyda chet tilida sayratib yubormasligi aniq. Lekin oz bo‘lsa-da, dunyoqarashingizga ijobiy ta’sir qilishi ehtimoli yo‘q emas. Unutmang, dunyoqarashni postlar emas, xulosalar o‘zgartiradi. Individual xulosalar.

Omon bo‘linglar!

Aytgancha, tekin pishloq haqida. Sotib, ushlab, yeb, hidlab bo‘lmaydigan “tushunchalar” haqida kam lekin juda shaxsiy qarashlarni o‘qiydiganlar uchun pulli kontent qilishimiz ham mumkin.

(c) Pistirmadagi admin

@hazratikursdosh

Ming so‘m bering, akajonlar…

demayapmiz | 1-qism

Internetdagi segmentimizning aksariyati bepul narsalarga o‘ch. Lekin bepul seminar, vebinar, dars… xullas, tekin desa yugurib borishni haliyam tashlaganimiz yo‘q. Shu bizga kerakmi yo kerakmasmi – farqi yo‘q. Ular beradigan bepul ma’lumotni ortig‘i bilan yutub yoki chiti-pitilardan topsa bo‘lishi esa boshqa masala.

Donat mutlaqo ixtiyoriy homiylik va bu dunyo tajribasida bor narsa. Ba’zida mualliflar shunga sal sha’ma qilsa, auditoriya unga xuddi gadoylik qilayotgandek reaksiya bildiradi.

Videoda tomoshabin ekraniga qarab ochiqchasiga choptirayotgan, shaloq gaplar aytib, avratshou ko‘rsatib batl qilayotganlarga ismini aytishi uchun to‘lashga og‘rinmaydiganlar boshqa kontent egalariga mutlaqo teskari reaksiya bildirishi achinarli. Juda.

Darvoqe, manfaatli postlar yozish degani nima? Manfaatlisi pul topish va hunar o‘rgatishni yoki tanqidiy post yozishdangina iboratmi?

Agar kimdir vaqti, intellekti va asabini sarflab boshqalar uchun beminnat nimadir qilishga harakat qilayotgan bo‘lsa, unga motivatsiya berish ziyon qilmaydi, menimcha.

Davomi bor...

Izohlarda “Tekin pishloq” deb yozib qoldiring va biz sizga postning 2-qismini yuboramiz😁

(c) Pistirmadagi admin

@hazratikursdosh

Qarz so'raydi. Xo'p, karta raqamingni yozib yubor deysan. U bo'lsa, plastigini rasmga tushirib jo'natadi...

@hazratikursdosh

BMW E39 M5 mashinasini internetdan qidirib ko‘rganlar bitta layk. 😂

P.s: Ko‘rdingizmi, asalimda meni u.

@hazratikursdosh