Hammaga salom!

Ha, ancha yo'q bo'lib qoldim, postlar qo'yilmadi, ijod qilinmadi. Sabablar yetarlicha, afsuski.

Kuz fasli oilamiz uchun quvonarli kelib, o'g'il farzandli bo'lgandim. Kuz oxiriga kelib esa Otam bilan bog'liq kutilmagan fojea yuz berib, 29-oktyabrda reanimatsiyaga tushib qoldilar. Allohning irodasi ekan, 46 kunlik og'ir betoblikdan keyin Otam 14-dekabr kuni vafot etdilar...

Shu-shu, dafn marosimlari bilan ovora bo'lib, o'zimning sog'ligim va halovat yo'qligi bois kanalga yangilik joylashtira olmadim. Lekin, hayot davom etarkan. O'zimda kuch to'plab, sekin-asta ishga, ijodga qaytyapman. Shu sabab, sizning qo'llab-quvvatlab turishingiz zarur menga.

Rahmatli Otamni sizlarga keyinroq batafsil tanishtirmasam bo'lmaydi. Chunki ular #Hashtag blogimning qandaydir ma'noda asoschisi ham. 6 yoshligimdan qo'limga "payal'nik" berib, tranzistor-u diodlarni, kondensator va rezistorlarni tanishtirgan, birinchi radio, robotlarimni yasashni o'rgatgan aynan Otam - Bekpo'lat o'g'li Faxriddin!

Adamni ohirati obod bo'lsin, Jannatlarda uchrashish nasib etsin. Duolaringizda eslab qo'ysangiz, sizdan minnatdorman. 🤲🏻