Кумуш қишим сенда оппоқ қор,
Ёғдиравер, тарқалсин ғубор,
Янги йилдан дунё умидвор,
Янги йилим хуш кел, юртимга!

Эски йилда қаҳрни кўриб,
Бир-биридан оқибат териб,
Улашилди бор меҳрин бериб,
Янги йилим хуш кел, юртимга!

Қорлар каби мусаффо тилак,
Келажакка албатта керак,
Ҳар бир уйда туғилсин гўдак,
Янги йилим хуш кел, юртимга!

Қолиб кетди ўттиз тўққизим,
Етарманми сенга қирқ қизим,
Рози бўлгин еган ош тузим,
Янги йилим хуш кел, юртимга!

Буюк иқбол нури зиёда,
Нияти пок бордир дунёда,
Нуронийлар қўли дуода,
Янги йилим хуш кел, юртимга!

Яқинларга Улашинг.. 🌸

Каналимизга обуна
бўлинг👇💖
t.me/+IWzaWAIhGFk5YTZi
t.me/+IWzaWAIhGFk5YTZi