"Kitobxonlik haftaligi" start oldi.
Kitob umr yoʻllarini yorituvchi soʻnmas nur, inson hayotiga mazmun baxsh etuvchi saodat manbai, unga har qanday vaziyatda ham hamroh boʻluvchi sodiq doʻst.
"Kitobsevar millat" shiori ostida V Respublika “Kitobxonlik haftaligi” 21-27 - aprel kunlari Respublika bo‘ylab o‘tkaziladi.
Haftalikning tantanali ochilish marosimi 21 - aprel kuni Gurlan tuman Axborot- kutubxona markazi “Sport majmuasi”da Respublika Ma’naviyat va ma’rifat markazi Gurlan tuman bo‘linmasi, Maktabgacha va maktab ta’limi bo‘limiga qarashli umumta’lim maktablari, “Nuroniylar kengashi” tuman bo‘limi bilan hamkorlikda bo‘lib o‘tdi.
Haftalik doirasida madaniy-maʼrifiy tadbirlar, taqdimotlar, davra suhbat, adabiy kecha hamda mushoira kechalari o‘tkazilishi rejaga kiritildi.