GULISTONLIKLAR 24🇺🇿 | RASMIY KANALI

Bugun Butunjahon matbuot erkinligi kuni nishonlanmoqda. Ushbu sana yana bir bor dunyo hamjamiyati e’tiborini demokratiyaning asosiy ustunlaridan biri — so‘z va matbuot erkinligi masalalariga qaratadi.

O‘zbekistonda Prezident Shavkat Mirziyoyev rahbarligida fikr erkinligini ta’minlash, axborot olish va tarqatish huquqini kafolatlash taraqqiyot strategiyamizning muhim va ajralmas qismi hisoblanadi. Ushbu strategiya inson manfaatlarini himoya qilishga, davlat xalqqa xizmat qiladigan ochiq va adolatli jamiyat qurishga qaratilgan.

Kuchayib borayotgan global tahdidlarga qaramasdan, biz demokratik institutlarni mustahkamlash yo‘lidan bormoqdamiz. Dunyodagi siyosiy va iqtisodiy beqarorlik, ziddiyatlarning keskinlashuvi va dezinformatsiyaning kuchayishi sharoitida O‘zbekiston jurnalistika, xolis muloqot va fikrlar xilma-xilligini rivojlantirish uchun zarur sharoit yaratish siyosatiga sodiq qolmoqda.

Afsus bilan tan olish kerakki, bugungi kunda hatto an’anaviy ravishda demokratiya tayanchi hisoblangan mamlakatlarda ham so‘z erkinligi g‘oyasi ko‘pincha siyosiy, tijorat yoki mafkuraviy manfaatlar bosimi ostida qolmoqda. Ochiq jurnalistika o‘rnini noxolis yondashuv egallab, "so‘z erkinligi" tamoyili o‘zining asl qiymatini tobora yo‘qotib borayotganining guvohi bo‘lmoqdamiz. Xalqaro tashkilotlarning tahlillariga ko‘ra, 2025-yilda dunyodagi umumiy vaziyat ilk bor "murakkab" darajaga tushib ketgani sohadagi ahvolning tobora yomonlashib borayotganidan dalolat beradi.

Shu bois jamiyatimizda jurnalistning professional mehnati hurmat qilinadigan, fakt va halollik qadrlanadigan, muloqot ochiqlikka asoslanadigan muhitni saqlab qolish va rivojlantirish ayniqsa muhimdir.

Bu kunda jurnalistlar, blogerlar, muharrirlar, operatorlar, texnik xodimlarga - har kuni ma’rifat va axborot ulashish, voqealarni xolis yoritish yo‘lida xizmat qilayotgan barchaga chuqur minnatdorligimizni bildiramiz.

Mas’uliyatingiz, jasoratingiz va kasbingizga sadoqatingiz uchun tashakkur. Sizlarga yangi yutuqlar, mustahkam sog‘lik va ijodiy ilhom tilaymiz!

Sherzod Asadov
Prezident matbuot kotibi.

Бу Матрица фильмидан кадрлар эмас

Жиззахда пиёдалар йўлни кесиб ўтиш учун шунақа суперменлик қобилиятларини кўрсатишга мажбур бўлмоқда экан.

Gulistonliklar24👇
https://t.me/gulistonliklar24_uzb

Ayni paytda viloyat rahbari Erkinjon Turdimov Guliston shahrida olib borilayotgan obodonlashtirish va bunyodkorlik ishlarini bevosita hududga chiqqan holda o'rganmoqda.

Aholiga qulay shart-sharoit yaratish borasida mas'ullarga o'z ko'rsatmalarini bermoqda.

Gulistonliklar24👇
https://t.me/gulistonliklar24_uzb

👉Президент Шавкат Мирзиёев Ал-Хоразмий шаҳарчасининг қурилишини кўздан кечирди.

👉Шаҳарча Урганч халқаро аэропорти яқинида, 130 гектардан зиёд ҳудудда бунёд этилмоқда. Самолётдан тушган меҳмонларнинг кўз ўнгида аввало мана шу гўзал маскан намоён бўлади. Шаҳарча марказида Хоразмий бобомизнинг муаззам ҳайкали ўрнатилади.

👉Президентимизга мазкур ҳайкал лойиҳаси тақдимот қилинди.

👉Ҳайкал шаҳарчада барпо этилаётган 20 гектарлик боғнинг кириш қисмида ўрнатилади. Унинг баландлиги 22 метр, пойдевори билан бирга 30 метрдан зиёд бўлади.

Gulistonliklar24👇
https://t.me/gulistonliklar24_uzb

🏃🏻‍➡️“Yangi avlodga xotira maktubi” shiori ostida 5 km masofaga yugurish musobaqasini o‘tkaziladi

AOKAda Mudofaa vazirligi, Yoshlar ishlari agentligi, Respublika Ma’naviyat va ma’rifat markazi ishtirokida o‘tkazilgan matbuot anjumanida 9 may - Xotira va qadrlash kuni hamda fashizm ustidan qozonilgan g‘alabaning 80 yilligiga bag‘ishlangan musobaqa haqida ma’lumot berildi.

Yugurish musobaqasi poytaxtimizning “Birodarlik qabristoni” yodgorlik majmuasi va “Bunyodkor” stadioni hududlari oralig‘ida o‘tkaziladi. Unda 2000 nafar ishtirokchilar g‘alaba qahramonlari xotirasini yod etadilar.

Tadbir dasturidan, shuningdek, marraga yetib kelganlarga esdalik medali topshirilishi, yugurish yo‘li bo‘ylab o‘rnatilgan badiiy ko‘rgazmalar, tantanali musiqa dasturi, birodarlik qabrlari yonida Xotira devorining o‘rnatilishi, yugurishning finishida ishtirokchilarga O‘zbekiston bayroqlarini tarqatish jarayonlari o‘rin olgan.

✍️Batafsil

Gulistonliklar24👇
https://t.me/gulistonliklar24_uzb

1 майдан ўзгарадиган электр энергияси тарифлари

Аҳолига бироз енгиллик учун янги лимит ҳам киритилган.

Энди ижтимоий норма ҳисобланган 200 кВт/соатгача бўлган ойлик истеъмолдан кейинги норма 1000 кВт/соатгача эмас. Оралиққа 500 кВт/соатгача бўлган норма киртилди.

Шу вақтгача 201 кВт·соатдан 1000 кВт·соатгача бўлган қисми учун 900 сўмдан ҳақ тўланган бўлса, энди 500 кВт·соатгача бўлган янги миқдор оралиғида ҳар бир киловатт·соат учун 800 сўмдан тўланади.

Шунингдек, электр энергияси ва табиий газ нархлари ҳар йили 1 майдан бир маротаба йиллик инфляция даражасидан келиб чиққан ҳолда 10 фоиздан юқори бўлмаган миқдорда ошириб борилиши мумкин.

Gulistonliklar24👇
https://t.me/gulistonliklar24_uzb