Bugun O'zbekiston Milliy universiteti “Talabalar teatr studiyalari” ko‘rik-tanlovining universitet bosqichi bo'lib o'tdi. Ushbu ko'rik tanlovda universitetning 5 ta jamoasi qatnashdilar. Tanlovda qatnashgan barcha jamoalar o'zlari tomonidan tayyorlab kelgan asarlarini juda mahorat bilan ijro etdilar. Yakunda Fizika fakultetining "Humo" teatr jamoasi mutloq g'oliblikni qo'lga kiritib Respublikaning hududiy bosqichiga yo'llanmani qo'lga kiritdilar.
Yutuqlarimizdan yana biri shuki, jamoa sardori Toshturdiyev Nurbek "Eng yaxshi erkak obrazi" nominatsiayasi qo'lga kiritdi.

Eslatib o'tamiz
🏆Tanlovning Respublika bosqichi g‘olibi bo‘lgan jamoalar Oliy ta’lim, fan va innovatsiyalar vazirligi tomonidan quyidagi tartibda pul mukofotlari bilan taqdirlanadi:
1-o‘rin – 70 million so‘m;
2-o‘rin – 50 million so‘m;
3-o‘rin – 30 million so‘m.

Nominatsiyalar bo‘yicha:

“Eng faol oliy ta’lim muassasasi” – 15 million so‘m;
“Eng yaxshi erkak roli uchun” – 10 million so‘m;
“Eng yaxshi ayol roli uchun” – 10 million so‘m;
“Jamoa ijodkor talabasi” – 8 million so‘m;
“Eng yaxshi talabalar teatr studiyasi rahbari” – 7 million so‘m.