2023-2024 qishloq xoʻjaligi yilida lalmi yerlarda tuproqqa ishlov berilmasdan yoki toʻgʻridan-toʻgʻri ekilgan kuzgi bugʻdoy don hosili 5.2 t/ga boʻlganligi, olingan sof foyda esa 400 % tashkil etganligi, fermerlarning daromadi oshganligi bu ishlarni yanada mukammalroq davom ettirishimiz kerakligini taqoza etdi. Shuning uchun ham biz 2024 yilda kuzgi bugʻdoyni ekishni 20 sentabr kuni quruq tuproqqa ekishni boshladik chunki toʻgʻridan-toʻgʻri ekkichlar (seyalka) qattiq yerlarga ham urugʻni qadashga yoki ekishga moslashgan. Barchaga ma'lumki, 20 sentabrdan beri tuproqni 10 sm qatlamida namlikni hosil qiladigan kuchli yomgʻir faqatgina 25 oktabr kuni yogʻdi. Oxirgi yoqqan yomgʻirdan bir hafta oʻtgandan keyin sentabrda ekilgan kuzgi bugʻdoy urugʻi unib chiqishni boshladi. Unib chiqqan maysalar esa xuddi askarlar kabi bir qator boʻlganligi koʻngliimizni ancha quvontirdi. Sizlarning e'tiborlaringizga kuzgi bugʻdoyni 3 noyabrdagi holatini YuoTube kanalidagi videoda ilindik.