1gaybullayeev_

Ishlarimiz kelajagi AI bilanmi?

O’tkan hafta Stokgolmda kompaniyadagi data analystlar uchun tadbir bo’lib o’tdi. Juda qiziq holat, boshliqlarni og’zidan AI tushmaydi, data analystlar bilan gaplashsam hali ko’pchiligi datasini Cloudga ko’chirmagan. Tasavvur qilishingiz uchun, boshliqlar mahalladagi jiguli ustalaridan BYDni motorini tuzatishni talab qilishganidek gap.

Lekin bu AI ishimizga ta’sir qilishiga hali ko’p yillar bor degani emas. AI juda tez rivojlanmoqda va yaqin kunlarda sizga ham ta’sir qilishni boshlaydi. Misol uchun, ChatGPT o’zbekcha yoza oladi va gapira oladi. Yaqinda Bosch kompaniyaga telefon qilib muammoni hal qildim, gapirishidan AI lekin odamga o’xshab ingliz tilida javob berdi. Callcenter, kotib (секретарь), hisobchi kabi ishlar birinchilardan bo’lib AI bilan avtomatlashtiriladi. Sabab ish takrorlanuvchi va jarayon aniq. Data va IT sohasida ham shu ahvol. Bu ketishda Junior lavozimga hojat qolmaydi.

Bu tabiy holat. Avtomobil ixtiro qilinganda ot taqachilari va ot aravasi ustalari ishsiz qolishmagan, ko’pchiligi avtomobil ustachiligini o’rganishgan yoki asflat yo’l qurulishida yoki zapravkada ishlashni boshlagan. Hozir ham shunaqa, AI kirib kelishi ko’p ishlarni yo’q qiladi va yangi ishlarni yaratadi. Yangi ishlarga yangi qobilyatlar kerak. Biz yangi muhitga moslashishimiz kerak bo’ladi (o’zbeklarda bundan muammo yo’q). Bunga yillar ketadi va bizda vaqt yetarlicha bor.

Bizda 2 ta yo’l bor:

- AI hali beri egallay olmaydigan sohalarga o’tish: shifokor, o’t ochiruvchi, quruvchi…

- AI bilan qanday ishlashni o’rganish



Nimalarni o’rganish kerak:

Statistika, Python, PowerBI, Tableau, SQL - bu fundamental bilimlar hali ham kerak. Sababi AI o’zidan-o’zi kelib qolingizdan ishingizni olmaydi. Hali juda ko’p kompaniyalar eski texnologiyalardan foydalanishadi. Yangi texnologiyaga o’tish uchun yillab vaqt ketadi. Men ishlaydigan joyda Cloudga ko’chirish uchun 8 yil ketishini tahmin qilishgan. Yaqin yillarda bu qobilyatlar kerak bo’lishi aniq. Bundan keyin ham AI qilib bergan tahlil va dashboardni tushunishingiz kerak.

Odamlar bilan ishlashni o’rganish - keyinchalik oddiy data tahlil qilish va dashboard yaratish muhim qobilyat hisoblanmay qoladi. Endi siz data tahlili va dashboardni odamlarga yetqizib berishingiz muhim bo’ladi. Shu sababli “story telling with data” qobilyatingiz ustida ishlashingiz kerak bo’ladi.

AI - bilan ishlashni o’rganing. Iloji bo’lsa AI API lari bilan. AI ni har kunlik ishingiz/o’qishingizda ishlating. Siz AI ni erta ishlatishni o’rganib olsangiz, shu qobilyatingizni boshqalarga o’rgatishingiz mumkin. Hozir kod yozishni talab qilmaydigan AI strategiyasi menejeri, AI havfsizlik ofitseri kabi yangi ishlar bor.

Norway,
16/02/25
t.me/datascience_azamat