Tanlov o’zingda

Qo’shiq eshitasan, hissiyotlarga berilasan, quvnaysan. Lekin ich-ichingdan siqilasan. Qalbing taskin topmaydi.

Qur’on eshitasan, qo’shiqdek maroqli emasdek tuyuladi. Lekin qalbing halovat topadi.

Ertalab bomdod vaqti juda ham shirin uyqu bosadi. Mazza qilib uxlaysan. Keyinchalik uyg’onganingda esa, qalbing siqiladi. Afsuslanasan.

Ertasiga o’zingni majburlab uyg’onasan. Shirin uyquni qo’yib, Robbingga yuzlanasan. Qalbing va ruhing halovat topadi.

Ba’zida ehson qilging keladi. Lekin puling kamayishidan qo’rqasan. Pulingni berib qo’yging kelmaydi. Lekin Robbingning va’dasini eslab, niyyatingni o’zgartirasan va ehson qilasan. Nafsing og’riydi, ammo ruhing poklanadi.

Ruhing xohlagan ishni qilsang, nafsing og’riydi. Nafsing xohlagan ishni qilsang, ruhing og’riydi. Sen uchun qaysi biri muhimroq? Tanlov o’zingda.

@foziljon_blog