Fonus test baza

#mood

​​Umuman kitob oʻqishga qiziqmaydigan, oʻqimaydigan bir yigit ijtimoiy tarmoqlardagilarga havasmand boʻlib, oshna-og'aynilarining soʻziga kirib kitobxon qizga uylandi. Toʻrt oy oʻtgach ijtimoiy tarmoqqa kirdiyu, yoza boshladi:
- Kitob oʻqisa uylaning, kitobxonga uylaning deganlar senga gʻirt dushman boʻlarkan. Ha, mana bir oy oʻtyaptiki, men undaylarni xotinim orqali juda yaxshi bilib oldim. Birinchidan, ular nafaqat pulingni balki miyyangni ham yerkan. Ertalab ishga ketyotganingda tuppa-tuzuk joʻnatib yuboradi. Qaytib kelganingda ba'zan ovqat qilingan boʻladi, koʻp hollarda esa yoʻq. Keyingi oʻrinda oʻtirib olib boshlaydi: nima oʻqidi, nima boʻldi, nima kuydi, nima qoldi haammasini gapirib beradi. Tirjayib eshitib oʻtirishga majbursan. Yana kamiga ora-orada "zerikib qolmadingizmi?" deya mayin tabassum ham hadya etadi. Ba'zan qarasang piqillab yigʻlab oʻtiradi. Ha desang ana bu qahramonga achindim deydi. Jin-pini bormikan deb oʻylab ham qolasan. Tilyog'lamalikni boplaydi. Bir kuni "qalbimning sultoni, umrim mazmuni sizdan bir o'tinchim bor, ojizangizning iltimosini bajarurmisiz?" degandi, ta'sirlanib ketib qolib albatta deb yuboribman, shundan keyin naq bir millionga kitob oldirdi. Robot deysan, robot. Har ikki kunda bir kitobni tugatadi. Atay qalin-qalin kitoblarni olib beraman, sekinroq tugatsin deb. Yoʻq doʻstim, nari borsa bir hafta. Onasinikiga borsa ham bir kunda qaytib keladi. Ha desang uyimizni sogʻindim deydi. Lekin har kuni bidirlashiga oʻzing ham oʻrganib qolgan boʻlasan. Kitob, kitob, kitob bo'laverganidan xatto tushlaringda ham kitoblarni koʻrib chiqasan..
Ana shunaqa doʻstim, maslahatim undaylardan uzoqda bo'l.

U shularni yozdiyu, har qalay farosati bor ekanmi, tagʻin bechora 'bidir-bidirim' xafa boʻlib qolmasin deb oʻchirib yubordi.

Paq:)