Усиз донлар кўкармайди,
Усиз нонлар қизармайди,
Набодотнинг навоси сув,
Тирикликнинг давоси сув.
Оқаверар қадрсиздек,
Гоҳо ичдик, гоҳи суздик.
Асраш шартдир икки кўздек,
Бу борлиқнинг ҳавоси сув.
Музликлардан келар садо,
Эй одамзод, сен бепарво...
Тугасак гар бўлиб адо,
Келажакнинг балоси сув.
Дўстим, укам, жўрам, асранг,
Бир зум ўйланг, тўрам, асранг,
Исроф қилманг, болам, асранг,
Ернинг Момо Ҳавоси сув.