#jahon_kimyo_sanoati_xabarlari

Polimer quvurlarning jahon bozori 60,46 milliard dollarni tashkil etdi

2024-yilda plastik quvurlar jahon bozori 60,4 milliard dollarni tashkil etdi. 2025-yil boshida bozor 64,58 milliard dollarga baholanmoqda va 2034-yilga kelib taxminan 116,17 milliard dollarga yetishi kutilmoqda. Precedence Research hisobotiga koʻra, yillik oʻsish 6,75 foizni tashkil qiladi.

Osiyo-Tinch okeani mintaqasi umumiy hajmning 46 foizini egallagan holda 2024-yilda bu bozorda yetakchi boʻlgan. Mintaqada polimer quvurlar umumiy aylanmasi 29,7 milliard dollardan oshdi. Xitoy va Hindiston kabi mamlakatlarning jadal sanoatlashuvi, infratuzilmasining rivojlanishi va urbanizatsiyasi tufayli mintaqada plastik quvurlar bozorining oʻsishi tez surʼatlar bilan davom etmoqda.

Bu aholi soni, qurilish loyihalariga investitsiyalarning koʻpayishi va hukumatning mintaqa sanitariya va suv infratuzilmasini modernizatsiya qilish borasidagi saʼy-harakatlari kabi omillar bilan bogʻliq.

Shimoliy Amerika va Yevropa mos ravishda taxminan 25% va 20% ni tashkil qiladi.

Bozor oʻsishining asosiy omillari rivojlanayotgan mamlakatlarda ekinlarni sugʻorish maydonining koʻpayishi, suv taʼminoti va sanitariya sharoitlarini yaxshilash boʻlishi mumkin. Normativ va ekologik muammolar, aksincha, bozorni sekinlashtirishi mumkin. 2024-yilda qurilish segmenti yetakchi boʻldi (41%).

Undan keyingi oʻrinda qishloq xoʻjaligi segmenti (28%) turadi. Neft va gazni tashish uchun quvurlarning ulushi esa 24% ni tashkil etdi.

😄 “Oʻzkimyosanoat” AJ Matbuot xizmati
——————————————————————————————
🌐 Veb-sayt ✉️ Telegram 📱 Facebook 📱 Instagram 🌐 Youtube