#jahon_kimyo_sanoati_xabarlari

🍎 Oziq-ovqat plyonkasi bozori 11,8 mlrd dollarga baholanmoqda

2025-yil boshida jahon oziq-ovqat plyonkasi bozorining hajmi 11,8 milliard dollarga baholanmoqda. 2030-yilda prognoz davrida oʻrtacha 4,35 foiz oʻsish surʼati bilan 14,6 milliard dollarga yetishi mumkin. Bu haqda Mordor Intelligence kompaniyasining soʻnggi tadqiqotida maʼlum qilingan.

Oziq-ovqat va ichimliklar sektori oʻsishning asosiy drayveri boʻlib qolmoqda. Bunda soʻnggi yillarda sanoatda barqaror qadoqlash yechimlari tomon sezilarli siljish boʻldi, koʻplab ishlab chiqaruvchilar muqobil, “biologik”, qayta ishlanadigan materiallarni ishlab chiqmoqda.

Oziq-ovqat plyonkalari uchun eng katta bozorlar - Yevropa va Shimoliy Amerika. Osiyo-Tinch okeani mintaqasida ushbu bozor tez oʻsib bormoqda. Bu jadal sanoatlashtirish va urbanizatsiya, oziq-ovqat mahsulotlarini qayta ishlash sohasining kengayishi va chakana savdo infratuzilmasining oʻsishi bilan bogʻliq.

Mintaqada Xitoy yetakchi bo'lib qolmoqda, undan keyin Hindiston va Yaponiya, Janubiy Koreya va Janubi-Sharqiy Osiyo davlatlari bozor rivojlanishiga salmoqli hissa qoʻshmoqda.

😄 “Oʻzkimyosanoat” AJ Matbuot xizmati
——————————————————————————————
🌐 Veb-sayt ✉️ Telegram 📱 Facebook 📱 Instagram 🌐 Youtube