Har kuni, xoh o’zingda, xoh boshqada bunga yuzlab dalil uchratish mumkin

Qanchalik Allohdan uzoqlashsak — shunchalik nima bizga haqiqatda foyda, nima esa asl zararligi ilmidan ham uzoqlashamiz

Shu emasmi ahvolimiz?
Aslida faqat ziyonimizga hujjat bo’ladigan orzu-havaslar bilan o’ralashib, foydamizdan uzoqlashib qolganmiz


Yaqin orada ko’p guvohi bo’lganim:
Inson biror maishiy buyum, dunyo matohiga ega bo’lgan yoki umuman Robbisining shariatiga xilof qiladigan surat/ videolar joylaydi, muhokamalar esa: “mashaalloh, Alloh bizga ham nasib qilsin”, kabi tabriklarga to’ladi

Nima nasib qilsin?
Nimani orzusidamiz?

Qanchalik dunyoni va unga bo’lgan pastkash muhabbatimizni diniy ibora-yu, “mashaalloh”larga o’ramaylik, qalbimizni doim bilguvchi Zot bor

Ha, dunyoga muhabbat u yoxud bu darajada hammada mavjud. Va uni nazorat qilish, chegaralash kerak

Faqat hech bo’lmaganda uni diniy so’zlarimiz bilan “poklash”ga urinmasligimiz va haqiqatni, naqadar alamli bo’lmasin, tan ola bilishimiz lozim. Shundagina bu illatni nazorat qila olamiz. “Ha nima qilibdi, yaxshi niyatku”, deb o’zimizni aldasak, aslida og’ir kasallik bo’lgan foniyga muhabbatimiz, ko’zimizga chiroyli ko’rinaveradi