Allohning valiy bandalari haqida gap ketganda, ularni "ابن الآن" -- "Ayni damning (hozirning) farzandi" deydilar. Bu - aql, ruh, qalbning jism bilan bir yerda ekanligini anglatadi. Banda chin ma‘noda baloga sobir, qismatga qone‘ va qazoga rozi bo'lganda erishadigan xotirjamlik rutbasi.

Balki qadarga iymon keltirishning farz qilinishi hikmatlaridan biri -- kechadan afsus va ertadan qo'rquv bilan yashamay, barini Alloh taologa topshirish [التفويض] uchun bo'lsa kerak.

Turklarda "ânın tadını çıkarmak / ânı yakalayabilmek" degan ibora bor: mavjud bo‘lib turganingiz lahzani to‘kis yashash degani.

Bizda...
Ayni damda topiladigan yagona narsa - jasadimiz. Qalb - kelajak xavotirida, ruh - kechmish taassufida, aql ham boshqa ishlar bilan safarga ketgan.
Bunday yashash odamni charchatib qo'yadi.
Alloh ofiyat bersin.
---
Be where your feet are -- Oyoqlaring turgan yerda bo'l, degani.