#sheʼriyat
ОНА РИЗОСИ
Ҳазрати Ҳаким Термизий қиссаси
Ҳали бола эди Термизий ҳазрат,
Уч ўртоқ аҳдлашиб, қилдилар суҳбат:
«Билим олмоқ учун учовлон бирга
Сафар қилгайдурмиз шаҳри кабирга!..»
Лекин яқинлашгач сафар муддати,
Ўғлон онасининг чиқди ҳасрати:
«Болам, мен ёлғизман, мискин, сўровчи,
Барча ишларимга сенсан қаровчи.
Онасининг жони бўлган ўғлоним,
Мени кимга ташлаб кетурсан, жоним?!»
Бу сўздан дард тушди ўғлон жонига,
Баски, фидо бўлди онажонига.
Барча хизматларда адаб сақларди,
Баъзан қабристонга бориб йиғларди:
«Шерикларим кетди излаб ҳидоят,
Улуғ олим бўлиб қайтар, ниҳоят!
Мен қолдим бу ерда жоҳил ва абгор...»
Ўғлон ёшлар тўкиб йиғларди зор-зор.
Ногоҳ пайдо бўлди бир нуроний Пир,
Унга Хизр илми қилинмиш тақдир!
«Йиғлама, эй ўғлон, бергумдир сабоқ,
Дўстларингдан кўра бўлгунг улуғроқ!..»
Ёш ўғлон йўқ жойдан бўлди аллома,
Энди аҳли замон келгай салома.
Кўриб илму урфон, одоб, ҳайбатни,
«Қайдан топдинг, дерлар, бундай давлатни!»
Ҳаким зот кўп теран ўйга толади,
Кечмиш замонларин ёдга олади.
Дейди шукронага тўлдириб вақтни:
«Онам ризосидан топдим бу бахтни!..»
Оҳ, азиз оналар!.. Она ризоси,
Дунёда шунчалик бўлса маъноси,
Она рози бўлса, охир-оқибат,
Нечоғ гўзал бўлгай яна Охират!..
2001 йил, июль.
Мирзо КЕНЖАБЕК
@eldor_sidikov - "Билим йўлидаги энг яхши йўлдош — китоб."
ОНА РИЗОСИ
Ҳазрати Ҳаким Термизий қиссаси
Ҳали бола эди Термизий ҳазрат,
Уч ўртоқ аҳдлашиб, қилдилар суҳбат:
«Билим олмоқ учун учовлон бирга
Сафар қилгайдурмиз шаҳри кабирга!..»
Лекин яқинлашгач сафар муддати,
Ўғлон онасининг чиқди ҳасрати:
«Болам, мен ёлғизман, мискин, сўровчи,
Барча ишларимга сенсан қаровчи.
Онасининг жони бўлган ўғлоним,
Мени кимга ташлаб кетурсан, жоним?!»
Бу сўздан дард тушди ўғлон жонига,
Баски, фидо бўлди онажонига.
Барча хизматларда адаб сақларди,
Баъзан қабристонга бориб йиғларди:
«Шерикларим кетди излаб ҳидоят,
Улуғ олим бўлиб қайтар, ниҳоят!
Мен қолдим бу ерда жоҳил ва абгор...»
Ўғлон ёшлар тўкиб йиғларди зор-зор.
Ногоҳ пайдо бўлди бир нуроний Пир,
Унга Хизр илми қилинмиш тақдир!
«Йиғлама, эй ўғлон, бергумдир сабоқ,
Дўстларингдан кўра бўлгунг улуғроқ!..»
Ёш ўғлон йўқ жойдан бўлди аллома,
Энди аҳли замон келгай салома.
Кўриб илму урфон, одоб, ҳайбатни,
«Қайдан топдинг, дерлар, бундай давлатни!»
Ҳаким зот кўп теран ўйга толади,
Кечмиш замонларин ёдга олади.
Дейди шукронага тўлдириб вақтни:
«Онам ризосидан топдим бу бахтни!..»
Оҳ, азиз оналар!.. Она ризоси,
Дунёда шунчалик бўлса маъноси,
Она рози бўлса, охир-оқибат,
Нечоғ гўзал бўлгай яна Охират!..
2001 йил, июль.
Мирзо КЕНЖАБЕК
@eldor_sidikov - "Билим йўлидаги энг яхши йўлдош — китоб."