Iqtisodiy o‘sish drayveri: Xizmatlar sohasidagi ulkan o‘zgarishlar

Prezident raisligida o‘tkazilgan xizmatlar sohasini rivojlantirishga bag‘ishlangan videoselektor yig‘ilishi mamlakatda servis va infratuzilma rivojlanishi borasida yangi qirralarni ochib berdi.

So‘nggi uch yilda 1,5 million aholi doimiy daromad manbaiga ega bo‘lgani hamda xizmatlar sohasining hajmi 19 milliard dollardan 65 milliard dollargacha oshgani haqiqiy iqtisodiy o‘sishni namoyon etmoqda. Bu ko‘rsatkichlarning ortida IT, moliyaviy xizmatlar, turizm, aviatsiya, ta’lim va tibbiyot sohalaridagi jadal o‘sish yotadi.

Ushbu sohalarda belgilangan maqsadlar – IT xizmatlari hajmini 80 trillion so‘mga yetkazish va 1 milliard dollarlik eksportni ta’minlash – ham o‘zining yuqori ahamiyati bilan ajralib turadi.

Biz ushbu yo‘nalishda qabul qilinadigan qonunchilik tashabbuslari va chora-tadbirlarni qo‘llab-quvvatlashga hamda xalq vakillari sifatida mazkur strategiyaning izchil ijrosi orqali aholi farovonligini oshirish yo‘lida xizmat qilishga tayyormiz.

✅Facebook | 🌐Instagram |🌐 Web site | 📹You Tube