Denovdagi "Ekobog‘" aholining sevimli maskaniga aylanadi

O‘zbekiston Ekologik partiyasi hamda partiya fraksiyasi vakillaridan iborat ishchi guruh Denov tumanidagi "Ekobog‘"ning bugungi holati bilan tanishdi.

Mutaxassislar ishtirokida bog‘dagi daraxtlarning holati o‘rganilib, ularni parvarishlash, yangi daraxt va bo‘ta ko‘chatlarini ekish bo‘yicha bog‘ ma’muriyati va ilmiy xodimlarga tushuntirishlar berildi.

— Ochig‘ini aytish kerak, salkam bir asrlik tarixga ega bu bog‘ga oxirgi yillarda e’tibor kamayganligi bois bugun daraxtlar parvarishga muhtoj, — dedi O‘zbekiston Ekologik partiyasi fraksiyasi rahbari A.Xamzayev. — Ammo ko‘p yillik va noyob daraxtlarga to‘la bu bog‘ni, xuddi Toshkent botanika bog‘idek, aholining sevimli maskaniga aylantirish mumkin. Bu bog‘ odamlar toza havodan bahramand bo‘ladigan joy bo‘lishi kerak. Ayni shu maqsadda bugun mutasaddilar bilan gaplashib, zarur tavsiyalarni berdik.

✅Facebook | 🌐Instagram |🌐 Web site | 📹You Tube