Tibbiy chiqindilar muammosi: mutasaddilar nega jim?

Oliy Majlis Qonunchilik palatasi deputati Javlon Abdullayev Farg‘ona viloyatida olib borgan o‘rganishlari davomida Buvayda tumani markaziy shifoxonasi hovlisida tibbiy chiqindilar oylar davomida yig‘ilib qolganining guvohi bo‘ldi.

Deputatning so‘zlariga ko‘ra, kasalxona orqa hovlisiga ko‘mib kelinayotgan bu chiqindilar nafaqat sanitariya qoidalariga zid, balki aholi salomatligiga jiddiy zarar yetkazishi, qaytarib bo‘lmaydigan kasalliklarning ko‘payishiga olib kelishi mumkin.

❗️ Amaldagi sanitariya qoidalariga ko‘ra, tibbiy chiqindilar maxsus poligonlarga olib ketilib, zararsizlantirilishi shart.

O‘rganishlar natijasida O‘zbekiston Ekologik partiyasi fraksiyasi a’zosi Javlon Abdullayev tomonidan Sog‘liqni saqlash va Ekologiya vazirliklariga muammo yuzasidan "Deputat so‘rovi" yuborildi.

⁉️ So‘rovda quyidagi savollarga asoslantirilgan tushuntirish berishlari so‘raldi:

• Farg‘ona viloyati Buvayda tumanidagi shifoxonada chiqindilar belgilangan sanitariya qoidalariga muvofiq yo‘q qilinyaptimi? Agar shunday bo‘lsa nega ular shifoxona atrofida to‘planib yotibdi?
• Barcha tibbiyot muassasalarida chiqindilarni tashish va zararsizlantirish tizimi yo‘lga qo‘yilganmi?
• Sanitar-epidemiologik xizmat tomonidan tibbiy chiqindilar bo‘yicha amaldagi holat butun respublika bo‘ylab o‘rganilganmi va qonunbuzarliklarga qanday choralar ko‘rilmoqda?
• Tibbiy chiqindilar monitoringi qay tarzda amalga oshirilmoqda va tizimni yaxshilash bo‘yicha qanday takliflar mavjud?

✅Facebook | 🌐Instagram |🌐 Web site | 📹You Tube