Bemehr tug'sangiz bo'lmasmi ona ?

Qiynashar bunda ham yurak bor demas,
Kechada kunduzda g'amlar parvona
Qalbimni beg'ubor, sodda dil emas,
Bemehr tug'sangiz bo'lmasmi ona ?

Ishq deya adoman yuragim yara,
Yolg'izlik qarida bo'ldim devona,
Chiroyli, xushzabon qilgandan ko'ra,
Bemehr tug'sangiz bo'lmasmi ona ?

Bu dunyo yolg'ondir go'yo bir bozor,
Armonlar tufayli qalbim ham mozor
Ishonchim yig'latib berishar ozor,
Bemehr tug'sangiz bo'lmasmi ona ?

Charchadim soxtalar aytgan so'zidan,
Ko'nglimni ko'chasi go'yo g'amxona.
Sovutdi yaqinim haydab o'zidan,
Bemehr tug'sangiz bo'lmasmi ona.

Sadoqat qilsam ham mehr topmadim,
Xijronni qo'lidan tutdim mardona.
Mehribon ekanman balki yoqmadim,
Bemehr tug'sangiz bo'lmasmi ona ?

✍️Muallif: #Guli_Abdulayeva

Ijroda : ©DunyodaTengiYoqOnam


Bizning manzil
👉 @dil_ijodkori 👈
Oʻzgacha hislar maskani 🤍✨https://t.me/dil_ijodkori